సంక్రాంతికి ప్రేక్షకుల ముందుకు వచ్చిన చిరంజీవి రవితేజ సినిమా వాల్తేరు వీరయ్య మొదటి రోజు బ్లాక్ బస్టర్ కలెక్షన్లు వసూలు చేసింది. ప్రపంచ వ్యాప్తంగా 35 కోట్లను మించి ఓపెనింగ్ కలెక్షన్లను సొంతం చేసుకుంది వాల్తేరు వీరయ్య. ముఖ్యంగా అమెరికాలో బాలకృష్ణ వీరసింహారెడ్డిని మించిన కలెక్షన్లు వసూలు చేస్తోందట వాల్తేరు వీరయ్య. ఈ సినిమా మొత్తం బడ్జెట్ 140 కోట్లు అని మేకర్స్ అనౌన్స్ చేశారు. సెకండ్ డే కలెక్షన్లు ఫస్ట్ డే కలెక్షన్లను మించి ఉంటాయని సినిమా క్రిటిక్స్ అంచనా వేస్తున్నారు.
రిలీజ్ కు ముందు దీనిపై భారీ అంచనాలు ఉన్నప్పటికీ.. సినిమా థియేటర్లలోకి వచ్చిన తర్వాత రెస్పాన్స్ మరింత భీభత్సంగా ఉంది. సినిమాలో చాలా విషయాల గురించి ప్రమోషన్స్ లో చెప్పకుండా దాచారనీ.. సినిమాలో మాస్ కంటెంట్ ఓ రేంజ్ లో ఉందనీ టాక్. రవితేజ పర్ఫార్మెన్స్ గురించి ఇక చెప్పాల్సిన అవసరంలేదు. మొత్తానికి మెగా ఫ్యాన్స్ కు వాల్తేరు వీరయ్య నిజంగానే పండగ గిఫ్ట్ అని సోషల్ మీడియాలో పోస్టులు కనిపిస్తున్నాయి.
