రష్యా అధ్యక్షుడు పుతిన్ కు గడ్డుకాలం మొదలైనట్టు కనిపిస్తోంది.. 30 సంవత్సరాలుగా తనకు వెన్నుదన్నుగా నిలిచిన వాగ్నర్ గ్రూప్ అధిపతి ప్రిగోజిన్.. ఇప్పుడు పుతిన్ పై తిరుగుబాటు చేసినట్టు అంతర్జాతీయ మీడియా కథనాలు చెప్తున్నాయి. పుతిన్ కు రక్షణ కవచంలా ఉండే రష్యాలోని ప్రైవేటు సైన్యం అయిన వాగ్నర్ గ్రూప్ కు అధిపతి అయిన ప్రిగోజిన్.. ఇకపై రష్యా అధ్యక్షుడికి అనుకూలంగా పనిచేయబోనని తేల్చిచెప్పినట్టు ఈ కథనాల సారాంశం. ఉక్రెయిన్ పై రష్యా కొనసాగిస్తున్న యుద్ధంలో వాగ్నర్ గ్రూప్ కీలక పాత్ర పోషిస్తున్నది. రష్యన్ ఆర్మీకి కావాల్సిన ఇంటలిజెన్స్ సమాచారాన్ని సేకరించి గైడ్ చేయటంతో పాటు యూరప్, అమెరికా దేశాల రక్షణ శాఖ అంతర్గత వ్యవహారాలను గూఢచర్యం ద్వారా తెలుసుకోవటంలో కూడా కేజీబీ మరియు వాగ్నర్ గ్రూప్ దే కీలక పాత్ర. ఉక్రెయిన్ లోని బఖ్ముత్ ను చేజిక్కించుకునే సమయంలో ఉక్రెయిన్ సైన్యంతో రష్యా సైన్యం పోరాటంలో వెనుకపడిపోయింది.. సరిగ్గా అప్పుడే వాగ్నర్ గ్రూప్ సైన్యం ఉక్రెయిన్ సైన్యాన్ని మట్టుబెట్టి బఖ్ముత్ ను రష్యా చేజిక్కించుకునేలా చేసింది. ఇదొక్కటే కాదు.. రష్యా కోసం ఏ పనైనా చేయటానికి వాగ్నర్ గ్రూప్ సిద్ధంగా ఉంటుంది.
గతంలో క్రిమియాను రష్యా చేజిక్కించుకోవటంలో కూడా సాయం చేసింది వాగ్నర్ గ్రూప్ సైన్యమే.
ప్రపంచంలో ఏ దేశ సైన్యం కూడా ఎదుర్కోలేనంత శక్తివంతంగా వాగ్నర్ గ్రూప్ సైన్యం ఉంటుందని చెప్తారు. అయితే.. నిజానికి వాగ్నర్ గ్రూప్ పేరుతో రష్యాలో ఏ సంస్థ కూడా రిజిష్టర్ కాలేదు. కేవలం చీకటి కార్యకలాపాలు చేయటానికే ఈ గ్రూపు పుట్టిందని అమెరికా నమ్ముతుంది. వివిధ దేశాల ఇంటలిజెన్స్ వ్యవస్థలతో వాగ్నర్ గ్రూప్ లోని సైనికులకు సంబంధాలు ఉంటాయట. స్పై సినిమాల్లో చూపించినట్టు.. ఇతర దేశాల అంతర్గత వ్యవహారాల్లోకి ప్రవేశించి అక్కడ జరిగే వాటిని గురించి తెలుసుకొని సమాచారం సేకరించి పుతిన్ కు అందజేస్తారట వాగ్నర్ సైనికులు. పుతిన్ కూడా రష్యా అధ్యక్షుడు కాకముందు పనిచేసింది గూఢచారిగానే. రష్యా గూఢచారి సంస్థ కేజీబీలో అత్యంత కీలక పదవిలో పుతిన్ పనిచేశాడు. ఇప్పుడు వాగ్నర్ గ్రూప్ కనుక రష్యాకు వ్యతిరేకంగా పనిచేయటం మొదలుపెడితే పుతిన్ కు కష్టకాలం మొదలైనట్టే. ఉక్రెయిన్ పై యుద్ధంతో ఆర్థికంగా పతనమైన రష్యా.. ఇప్పుడు తీవ్రమైన ఆయుధ కొరతతో సతమతమవుతున్నది. మిత్రదేశాల నుంచి ఆయుధ సాయం కోరే పరిస్థితి ఉన్న నేపథ్యంలో వాగ్నర్ గ్రూప్ పుతిన్ కు సహకరించకపోతే ఈ యుద్ధంలో పుతిన్ ఓటమి తప్పదు. అయితే.. పుతిన్ ఓటమిని అంగీకరించే వ్యక్తిత్వం ఉన్నవాడు కాదు.. అవసరం అయితే తన సైన్యంతో అణుబాంబు ప్రయోగానికైనా పుతిన్ వెనుకాడడు గానీ.. ఓడిపోయి అమెరికాకు లొంగిపోవటాన్ని పుతిన్ సహించలేడు. అంటే.. తదుపరి పరిణామాలు కేవలం వాగ్నర్ అధినేత ప్రిగోజిన్ చేతిలో ఉన్నాయన్నమాట. ఎందుకంటే.. పుతిన్ కనుక అణుదాడి నిర్ణయం తీసుకుంటే అది మూడో ప్రపంచ యుద్ధానికి మొదటిమెట్టు అవుతుంది.
