రౌడీ స్టార్ విజయ్ దేవరకొండ కొత్త సినిమా అనౌన్స్ చేశాడు. అవార్డుల పంట పండించిన జెర్సీ సినిమా దర్శకుడు గౌతమ్ తిన్ననూరి కొత్త ప్రాజెక్టు ఓకే అయ్యిందంటూ ట్విటర్ లో చెప్పాడు విజయ్. ఈ స్క్రిప్టు విన్నప్పుడు నా గుండె వేగంగా కొట్టుకుంది.. అంటూ తన నెక్స్ట్ సినిమా డిటైల్స్ షేర్ చేసుకున్నాడు. ఈ సినిమాలో విజయ్ పోలీస్ ఆఫీసర్ క్యారెక్టర్ లో కనిపించనున్నాడు. మరో విశేషం ఏంటంటే దేశభక్తి చుట్టూ తిరిగే పీరియాడికల్ సినిమా అయి ఉండొచ్చనే టాక్ వినిపిస్తోంది. సినిమాకు సంబంధించిన పోస్టర్ ను కూడా విజయ్ షేర్ చేశాడు. ముఖం కనిపించని యూనిఫామ్ లో ఉన్న పోలీస్ ఫోటోతో పాటు డోన్ట్ నో వేర్ ఐ బిలాంగ్ టు టెల్ యూ హూమ్ ఐ బిట్రేడ్ అనే కొటేషన్ ఈ సినిమా పోస్టర్ లో కనిపిస్తోంది. దాని కింద స్పై అని రాసి ఉంది. అంటే విజయ్ ఏదో థ్రిల్లింగ్ ఎలిమెంట్ తో వచ్చేస్తున్నాడన్నమాట.
భారీ అంచనాలతో రిలీజైన లైగర్ ఫ్లాప్ తర్వాత విజయ్ ప్రస్తుతం ఖుషీతో బిజీగా ఉన్నాడు. అయితే.. పూరీ జగన్నాథ్ జనగణమణ పరిస్థితి ఏంటో ఇంకా తెలియదు. ఈలోగా గౌతమ్ తిన్ననూరితో కొత్త సినిమా అనౌన్స్ చేశాడు. ఆకట్టుకునే కథతో అద్బుతమైన ఎమోషన్స్ తో ప్రేక్షకులను అలరించిన జెర్సీని తెరకెక్కించిన గౌతమ్ తిన్ననూరి సినిమా కావటంతో ఈ సినిమాపై కూడా అంచనాలు భారీగానే ఉంటాయి.
