ఎఫ్ 3 తర్వాత వెంకటేష్ కొత్త సినిమా ఈ రోజే అనౌన్స్ అయ్యింది. నిహారిక ప్రొడక్షన్స్ సంస్థ వెంకటేష్ 75వ సినిమా నిర్మిస్తున్నట్టు సోషల్ మీడియా ద్వారా అఫీషియల్ అనౌన్స్ మెంట్ చేసింది. ఈ సినిమాకు హిట్, హిట్ 2 కు దర్శకత్వం వహించిన శైలేష్ కొలను దర్శకత్వం వహించబోతున్నాడు. ఇందుకు సంబంధించిన పోస్టర్ ను నీహారిక ప్రొడక్షన్స్ ట్విటర్ లో పోస్ట్ చేసింది. అయితే జానర్ ఏమిటనేది మాత్రం అనౌన్స్ చేయలేదు. పోస్టర్ ను చూస్తుంటే యాక్షన్ సినిమాలా కనిపిస్తుంది. యాక్షన్ థ్రిల్లర్ల్ తెరకెక్కించటంలో దిట్ట అయిన శైలేష్ కొలను డైరెక్షన్ చేస్తున్నాడంటే ఇది కూడా ఖచ్చితంగా యాక్షన్ థ్రిల్లరే అని భావించవచ్చు.
ఎఫ్ 2, ఎఫ్ 3 కామెడీ సిరీస్ తర్వాత వెంకటేష్ అఫీషియల్ గా తన నెక్స్ట్ సినిమా గురించి చెప్పలేదు. ప్రస్తుతం సీనియర్ హీరోలు చిరంజీవి, బాలకృష్ణ మంచి మాస్ ఎంటర్టైన్మెంట్ సినిమాలతో సంక్రాంతి సీజన్ లో సందడి చేయగా.. ఎఫ్ 3 నుంచి వెంకీ మాత్రం కామ్ గా ఉన్నాడు. ఇప్పుడు రిలీజైన పోస్టర్ తో వెంకీ ఫ్యాన్స్ కాస్త హ్యాప్పీ ఫీలవుతారని చెప్పాలి. అయితే.. ఈ సినిమా ఎప్పుడు సెట్స్ పైకి వెళ్తుందో.. ఎప్పుడు రిలీజ్ అవుతుందో.. ఈ విషయాలు మాత్రం ఇంకా సస్పెన్సే.!