సంక్రాంతి బరిలో నిలిచిన బాలకృష్ణ చిరంజీవిల మధ్య పోటీ ఏమాత్రం తగ్గటం లేదు. రెండు సినిమాలూ వసూళ్ళలో పోటాపోటీగా దూసుకెళ్తున్నాయి. అయితే… వాల్తేరు వీరయ్య సినిమా విడుదల తర్వాత బాలయ్య వీరసింహారెడ్డి జోరు కాస్త తగ్గిందనే చెప్పాలి. రెండు రోజులు లేటుగా వచ్చిన వీరయ్య.. బాక్సాఫీస్ వద్ద వసూళ్ళ వర్షం కురిపిస్తోంది. మొదటిరోజే 35 కోట్ల గ్రాస్ కలెక్ట్ చేసిన చిరు సినిమా.. మూడు రోజుల్లో వంద కోట్ల క్లబ్ లో చేరిపోయింది. బాలయ్య సినిమా కంటే ఓ అడుగు ముందుందని సినీ అనలిస్టులు చెప్తున్నారు. అటు ఓవర్సీస్ లో కూడా వీరయ్య రికార్డు కలెక్షన్లను సొంతం చేసుకుంది.
పండగ సమయంలో ప్రేక్షకులు బాలయ్య సినిమా చిరంజీవి సినిమా అనే తేడా లేకుండా ఎక్కడ టికెట్లు దొరికితే అక్కడ ఫిక్సై పోతున్నారు. సంక్రాంతి సెలవులు అయిపోయిన తర్వాత ఈ రెండు సినిమాలకు కలెక్షన్లు పెరగవచ్చని అంటున్నారు. ఈ రెండు సినిమాలకూ కనీసం 3 వారాల దాకా కలెక్షన్ల సునామీ తప్పదని క్రిటిక్స్ అంచనా. మొత్తానికి ఇద్దరు సూపర్ స్టార్లు.. తమ సినిమాలతో సంక్రాంతికి కళ తీసుకొచ్చారు.
