భారత కుబేరుడు ముకేష్ అంబానీ చిన్న కుమారుడు అనంత్ అంబానీ, రాధికా మార్చంట్ నిశ్చితార్థం నిన్న ముంబైలో ఘనంగా జరిగిన విషయం తెలిసిందే. అంబానీ ఇంట్లో ఏ వేడుక జరిగినా బాలీవుడ్ మొత్తం అక్కడే ఉంటుంది. నిన్న కూడా బాలీవుడ్ కు చెందిన చాలా మంది స్టార్లు ఈ వేడుకల్లో పాల్గొన్నారు.. వారిలో జాన్ అబ్రహామ్ ఒకడు. అయితే.. ఈ వేడుకకు జాన్ అబ్రహామ్ వేసుకొచ్చిన డ్రెస్ పై సోషల్ మీడియాలో ట్రోలింగ్ జరుగుతోంది. నిశ్చితార్థ వేడుకలకు హాజరైన బాలీవుడ్ నటులందరూ కుర్తా, పైజమా వంటి సాంప్రదాయ దుస్తుల్లో హాజరైతే.. జాన్ మాత్రం జీన్స్, కాజువల్స్, స్పోర్ట్ షూతో రావటం ఏమిటని నెటిజన్లు విమర్శిస్తున్నారు. అందరిలాగా జాన్ అబ్రహామ్ కూడా కాస్త కుర్తా పైజమా వేసుకొస్తే బాగుండేదని కామెంట్ చేస్తున్నారు.
ప్రస్తుతం జాన్ అబ్రహామ్ షారూఖ్ ఖాన్ కొత్త సినిమా పఠాన్ లో నటించిన విషయం తెలిసిందే. పఠాన్ లోని బేషరమ్ పాట కూడా విడుదల అవ్వటంతోనే విమర్శలకు గురైంది. పఠాన్ సినిమాలో సీన్లు అభ్యంతరకరంగా ఉన్నాయనీ.. వాటిని తొలగించి కొత్త సినిమాతో మళ్ళీ రావాలనీ సెన్సార్ బోర్డు పఠాన్ నిర్మాతలను ఆదేశించిన విషయం తెలిసిందే. ఆ తర్వాత షారూఖ్ ట్రోలింగ్ కు బలయ్యాడు.. ఇప్పుడు జాన్ అబ్రహాం కూడా. అయితే.. జాన్ పై నెటిజన్లు మరీ అంత కోపంగా లేనట్టు కనిపిస్తోంది.
https://www.instagram.com/reel/CnmnvB_LgGc/?utm_source=ig_web_copy_link
