హాలీవుడ్ సినిమా ది ఫ్లాష్ ట్రైలర్ రెండు రోజుల క్రితం విడుదలైంది. యూట్యూబ్ లో ది ఫ్లాష్ సినిమా విడుదల చేశారు మేకర్స్ వార్నర్ బ్రదర్స్. రిలీజైనప్పటి నుంచి ట్రెండింగ్ లో కొనసాగుతున్న ది ఫ్లాష్ ట్రైలర్.. ఈ రోజు కూడా ఇప్పటికీ ట్రెండింగ్ లో కొనసాగుతూనే ఉంది. అయితే.. ఈ ట్రైలర్లో ఓ ఇంట్రస్టింగ్ విషయాన్ని కనిపెట్టారు వ్యూయర్స్. ట్రైలర్ లో ఓ ఫ్రేమ్ లో హీరో వెనుక హిందువుల దైవమైన హనుమంతుడి ఫోటో కనిపిస్తోంది. అరక్షణం కూడా కనిపించని ఈ ఫ్రేమ్ లో హనుమంతుడి ఫోటో ఉండటాన్ని ఎవరు కనిపెట్టారో కానీ.. ప్రస్తుతం ప్రపంచవ్యాప్తంగా ఇది చర్చనీయాంశంగా మారింది. ట్రైలర్ లోని 216 వద్ద హనుమంతుడి ఫోటో స్పష్టంగా కనిపిస్తోంది.
భారీ సైన్స్ ఫిక్షన్, యాక్షన్, థ్రిల్లర్ జోన్లో తెరకెక్కిన ది ఫ్లాష్ బేస్ స్టోరీ టైమ్ ట్రావెల్ అని మేకర్స్ చెప్తున్నారు. టైమ్ లో వెనక్కి వెళ్ళి గతంలో జరిగిన వాటిని మార్చాలనే ప్రయత్నం వల్ల జరిగిన పరిణామాలు ఏమిటి.. బ్యాట్ మెన్ ఈ సినిమాలో ఎందుకు కనిపించాడు.. అనేవి ట్రైలర్ ద్వారా హింట్ ఇచ్చాడు డైరెక్టర్ యాండీ ముషియెట్టీ. ట్రైలర్ లోని ప్రతీ ఫ్రేమ్ రిచ్ గా, ఇంట్రస్టింగ్ గా కనిపిస్తోంది. వార్నర్ బ్రదర్స్ మేకింగ్ క్వాలిటీకి ఈ సినిమా ఏమాత్రం తగ్గదని అనిపిస్తోంది. ఈ సినిమా ప్రపంచ వ్యాప్తంగా జూన్ 14న విడుదల కానుంది.