గుండెపోటుతో బెంగళూరులోని నారాయణ హృదయాలయలో చికిత్స తీసుకుంటున్న నందమూరి తారకరత్న ఆరోగ్యం నిన్నటి కంటే కాస్తంత మెరుగయ్యిందని డాక్టర్లు చెప్తున్నారు. తాజాగా విడుదల చేసిన హెల్త్ బులెటిన్ లో తారకరత్న గుండె,కాలేయం పనితీరు 90 శాతం సాధారణ స్థాయికి చేరుకుందనీ.. కాకపోతే మెదడు పనిచేయటం ఇంకా మొదలు కాలేదని తెలిపారు. మెదడు పనిచేయటం ప్రారంభిస్తే లైఫ్ సపోర్ట్ తీసివేసి ట్రీట్మెంట్ కొనసాగించే అవకాశం వస్తుందన్నారు. గుండెలో ఎడమవైపు 90 శాతం బ్లాకేజ్ ఉన్నదనీ, మెదడు పనిచేయటం లేదు కాబట్టి బ్లాకేజ్ తొలగించేందుకు గుండెకు సర్జరీ చేసే అవకాశం లేదన్నారు. ఇక కిడ్నీల పనితీరు కూడా ఇదివరకటి కంటే కాస్త మెరుగైందన్నారు. ఇదిలా ఉంటే.. హాస్పిటల్ బెడ్ పై తారకరత్న ఉన్న ఓ ఫోటో ప్రస్తుతం సోషల్ మీడియాలో ప్రత్యక్షమైంది.
వైద్యులో, లేక కుటుంబ సభ్యులో కావాలనే ఈ ఫోటోను సోషల్ మీడియాలో షేర్ చేసి ఉంటారని భావిస్తున్నారు. నందమూరి అభిమానులు ఈ ఫోటో కింద తారకరత్న త్వరగా కోలుకోవాలంటూ కామెంట్లు పోస్ట్ చేస్తున్నారు. తారకరత్న తల్లిదండ్రులు మోహనకృష్ణ, అలేఖ్య రెడ్డి నిత్యం అతడి వెంటే ఉంటున్నారు. కుటుంబ పెద్దలు ఎప్పకిటప్పుడు తారకరత్న ఆరోగ్యం ఎలా ఉందో తెలుసుకుంటున్నారనీ వారు చెప్పారు. తారకరత్న గుండెపోటుకు గురై నేటికి ఆరో రోజు.
