మంచి ఫామ్ లో ఉన్న టీమిండియా బ్యాట్స్ మెన్ సూర్య కుమార్ యాదవ్ ఇండియన్ క్రికెట్ హిస్టరీలో ఆల్ టైమ్ రికార్డు సృష్టించాడు. టీ20 ఫార్మాట్ లో 900 పాయింట్లను సాధించిన ఫస్ట్ ఇండియన్ క్రికెటర్ గా రికార్డును తన ఖాతాలో వేసుకున్నాడు.
టీ20 హిస్టరీలో ఇప్పటి వరకు ఇద్దరే ఇద్దరు ప్లేయర్స్ 900 పాయింట్లను సాధించారు. డేవిడ్ మలాన్, అరోన్ ఫించ్ మాత్రమే ఈ రికార్డు క్రియేట్ చేయగా.. ఇండియా తరఫున సూర్య కుమార్ యాదవ్ 908 పాయింట్లు సాధించి రికార్డు క్రియేట్ చేశాడు. అత్యధిక పాయింట్ల రికార్డు డేవిడ్ మలాన్ పేరిట ఉండగా.. సూర్య కుమార్ యాదవ్ మరో భారీ ఇన్నింగ్స్ కనుక ఆడితే ఆ రికార్డు కూడా బద్దలు కొట్టే అవకాశం ఉంది. ప్రస్తుతం ర్యాంకింగ్స్ పరంగా చూస్తే సూర్యనే ఫస్ట్ ప్లేస్ లో ఉన్నాడు.
ఇప్పటి వరకు అన్ని ఫార్మాట్లలోనూ అత్యధిక పాయింట్లు సాధించిన రికార్డు కోహ్లీ పేరిట ఉండగా.. టీ20 రికార్డును సూర్య బ్రేక్ చేశాడు. ఆ తర్వాత టెస్టు, వన్ డే ఫార్మాట్లలో కోహ్లీ రికార్డు కొనసాగుతోంది. ప్రస్తుతం శ్రీలంకతో జరుగుతున్న సిరీస్ లో సూర్య కుమార్ యాదవ్ ఇదే ఫామ్ కంటిన్యూ చేస్తే మరిన్ని రికార్డులు అతడి పేరు మీదకు వచ్చేస్తాయి.
