సుధీర్ బాబు సస్పెన్స్ థ్రిల్లర్ సినిమా హంట్ ఓటీటీలో రేపటి నుంచి స్ట్రీమింగ్ కానుంది. ఆహాలో ఫిబ్రవరి 10న ఈ సినిమా అందుబాటులోకి రానుందని మేకర్స్ అనౌన్స్ చేశారు. చాలా రోజుల గ్యాప్ తర్వాత సుధీర్ బాబు హంట్ సినిమాతో ప్రేక్షకుల ముందుకు వచ్చిన విషయం తెలిసిందే. పదేళ్ళ క్రితమే హిందీలో వచ్చి ప్రేక్షకుల మెప్పు పొందిన ముంబై పోలీస్ సినిమాకు ఇది రీమేక్. అద్భుతమైన కథ, కథనాలతో ముంబై పోలీస్ సినిమా 2013లోనే మంచి హిట్ సినిమాగా నిలిచింది. సుధీర్ బాబు ఇదే సినిమా రీమేక్ లో నటించటం కాస్త చాలెంజింగ్ విషయమనే చెప్పాలి. తన స్నేహితుడైన తోటి పోలీస్ ఆఫీసర్ హత్యను ఇన్వెస్టిగేట్ చేస్తూ మధ్యలో యాక్సిడెంట్ వల్ల గతం మరిచిపోయి.. విచిత్రమైన పరిస్థితుల్లో మొత్తానికి మిస్టరీని చేదించే చాలెంజింగ్ రోల్ హీరోది. ఇలాంటి క్యారెక్టర్లో నటించిన సుధీర్ బాబు నటనకు నూటికి నూరు మార్కులు వేయొచ్చు.
సుధీర్ బాబుతో పాటు శ్రీకాంత్, భరత్ నివాస్ తదితరులు కీలక పాత్రల్లో కనిపిస్తారు. థియేటర్లోకి వచ్చి పెద్దగా ఆదరణకు నోచుకోలేకపోయింది హంట్ సినిమా. కానీ ఓటీటీలలో యాక్షన్ థ్రిల్లర్ హవా నడుస్తున్న వేళ.. ఆహాలో హంట్ సినిమా ఖచ్చితంగా మంచి హిట్ గా నిలుస్తుందని చెప్తున్నారు.