నటి సమంత సినిమా షూటింగ్ లో గాయపడింది. రక్తపు మరకలున్న తన చేతుల ఫోటోను సమంత స్వయంగా సోషల్ మీడియాలో షేర్ చేసింది. అమేజాన్ ప్రైమ్ నిర్మిస్తున్న సిటాడెల్ వెబ్ సిరీస్ లో షూటింగ్ లో భాగంగా సమంత చేతులకు గాయాలయ్యాయి. తన గాయాల ఫోటోను షేర్ చేసిన సమంత.. పర్క్స్ ఆఫ్ యాక్షన్ ట్యాగ్ లైన్ జత చేసింది. ఈ ఫోటో చూసిన అభిమానులు మరోసారి సమంత డెడికేషన్ ను మెచ్చుకుంటున్నారు. కొంత మంది వీటిని గాయాలు అనుకుంటారు.. కానీ మీరు మాత్రం ఆభరణాలుగా భావిస్తారు.. అంటూ సమంత ఫోటోను కామెంట్ చేశాడు ఓ అభిమాని. ఇందుకు సమంత రియాక్ట్ అవుతూ థాంక్స్ చెప్పింది. సమంత ఫోటోను ఫ్యాన్స్ తెగ లైక్ చేస్తూ కామెంట్లు చేస్తున్నారు.
ప్రస్తుతం సిటాడెల్ రీమేక్ షూటింగ్ లో బిజీగా ఉన్న సమంత.. ఆ తర్వాత విజయ్ దేవరకొండతో ఖుషీ షెడ్యూల్ లో పాల్గొనాల్సి ఉంది. ఇటీవలే ఖుషీ కొత్త షెడ్యూల్ ఖరారైంది. ప్రస్తుతం సమంత నటించిన శాకుంతలం సినిమా రిలీజ్ కు రెడీగా ఉంది. పాన్ ఇండియా మూవీగా తెరకెక్కిన శాకుంతలం ఏప్రిల్ 14న ప్రపంచవ్యాప్తంగా విడుదల కానుంది. రుద్రమదేవి సినిమా తర్వాత చాలా గ్యాప్ తీసుకున్న క్రియేటివ్ డైరెక్టర్ గుణశేఖర్ తెరకెక్కిస్తున్న శాకుంతలంపై భారీ అంచనాలున్నాయి.