మయోసైటిస్ వ్యాధితో బాధపడుతూ ఇంట్లోనే రోజుకు సుమారు 4 గంటల పాటు ట్రీట్మెంట్ తీసుకుంటున్న నటి సమంత.. ఇంత అనారోగ్యంతో కూడా తన శరీరాన్ని కష్టపెడుతూనే ఉంది. ఎంత అనారోగ్యంగా ఉన్నా వర్కౌట్స్ మానని సమంత.. ఈసారి 600 మెట్లెక్కి ఫ్యాన్స్ ను ఆశ్చర్యపరిచింది. అది కూడా మెట్టు మెట్టుకూ కర్పూరం వెలిగిస్తూ మరీ ఆరు వందల మెట్లను అవలీలగా ఎక్కేసింది సమంత. ఇందుకు సంబంధించిన వీడియో ప్రస్తుతం సోషల్ మీడియాలో ట్రెండ్ అవుతోంది. తమిళనాడు లోని పళని మురుగన్ దేవాలయాన్ని సందర్శించిన సమంత.. దైవ దర్శనానికి మెట్ల దారి గుండా వెళ్ళింది. ప్రతి మెట్టుకూ హారతి కర్పూరాన్ని వెలిగిస్తూ మొత్తం ఆరు వందల మెట్లను ఎక్కి మరీ దైవదర్శనం చేసుకుంది సమంత.
సాంప్రదాయ దుస్తుల్లో హిందూ సాంప్రదాయం ప్రకారం నుదుటన బొట్టు పెట్టుకొని గుడికి వచ్చిన సమంత కమిట్మెంట్ ను ఫ్యాన్స్ తెగ పొగిడేస్తున్నారు. సమంత గారూ.. మీ కోరికలు తప్పకుండా దేవుడు తీరుస్తాడు.. అంటూ కొంత మంది కామెంట్లు చేస్తుంటే.. మా ప్రేమతో పాటు అద్భుతమైన ఆరోగ్యం కూడా మీ వెంటే ఉంటుంది.. అంటూ మరి కొంత మంది ఫ్యాన్స్ కామెంట్లు చేస్తున్నారు. ప్రస్తుతం సిటాడెల్ వెబ్ సిరీస్ లో నటిస్తోంది సమంత. ఆమె కొత్త సినిమా శాకుంతలం ఏప్రిల్ 14న ప్రేక్షకుల ముందుకు రానుంది.
