తన వల్లే షూటింగ్ ఆలస్యమవుతోందంటూ సమంత విజయ్ దేవరకొండ అభిమానులతో పాటు డైరెక్టర్ శివ నిర్వాణ, మైత్రి మూవీ మేకర్స్ కు సారీ చెప్పింది. ఈ మేరకు ట్విటర్లో ఆమె ట్వీట్ చేసింది. తాను కోలుకున్నానని.. వీలైనంత త్వరలోనే ఖుషీ సినిమా షూటింగ్ కు అటెండ్ అవుతాననీ సమంత చెప్తోంది. విజయ్-సమంత జోడీగా శివ నిర్వాణ డైరెక్షన్లో మైత్రీ మూవీస్ వారు ఖుషీ సినిమా తెరకెక్కిస్తున్న విషయం తెలిసిందే. మయోసైటిస్ వల్ల సమంత రెస్ట్ కే పరిమితం కావటం.. బాలీవుడ్ హీరో వరుణ్ ధావన్ తో ఓ వెబ్ సిరీస్ కూడా సమంత సైన్ చేయటం వల్ల ఖుషీ సినిమా కాస్త ఆలస్యమవుతోంది. అందుకే సమంత సారీ చెప్పింది. సమంత చేసిన ట్వీట్ కు విజయ్ అభిమానులు పాజిటివ్ గా స్పందిస్తున్నారు.
రీసెంట్ గా సమంత చేసిన శాకుంతలం సినిమా ప్రస్తుతం రిలీజ్ కు రెడీగా ఉంది. పాన్ ఇండియా రేంజ్ లో అదిరిపోయే గ్రాఫిక్స్ తో డైరెక్టర్ గుణశేఖర్ శాకుంతలం సినిమాను తెరకెక్కించాడు. అప్పుడెప్పుడో రుద్రమదేవి తర్వాత మళ్ళీ గుణశేఖర్ శాకుంతలం సినిమాతో మన ముందుకు రాబోతున్నాడు. గుణశేఖర్ కలల ప్రాజెక్టు కావటం.. సమంత ఈ సినిమాలో లీడ్ రోల్ చేయటంతో శాకుంతలంపై అంచనాలు భారీగా ఉన్నాయి. లేటెస్ట్ గా వచ్చిన ట్రైలర్.. అంచనాలను మరింత పెంచింది.
