అజిత్ తెగింపు సినిమా థియేటర్లలోకి వచ్చేసింది. అజిత్ అంటేనే యాక్షన్.. థ్రిల్లింగ్ సినిమాలు. ఇప్పుడు వచ్చిన తెగింపు కూడా అదే జానర్ కు చెందిన సినిమా. యాక్షన్ తో పాటు సోషల్ కోణం కూడా ఉన్న కథతో తెరకెక్కిన సినిమా తెగింపు. వ్యవస్థలు ఎలా పనిచేస్తున్నాయి.. బ్యాంకింగ్ వ్యవస్థ సామాన్యుడి పట్ల ఓ రకంగా డబ్బు ఉన్న వాళ్ళ పట్ల ఓ రకంగా ఎందుకు పనిచేస్తోంది.. స్కాములు.. మోసాలు.. స్టాక్ మార్కెట్ కుంభకోణాలు.. ఇలా అన్నింటినీ కలిపి రూపొందించిన కథ. బ్యాంక్ దోపిడీ సీన్ తో మొదలయ్యే తెగింపు.. ఫస్ట్ హాఫ్ మొత్తం రెండు దోపిడీ గ్యాంగ్ ల మధ్య సీన్లతోనే సాగిపోతుంది. అజిత్ కూడా డార్క్ డెవిల్ పేరుతో బ్యాంకు దోపిడీ బ్యాచ్ లో కనిపిస్తాడు. అయితే.. అజిత్ భారీ ట్విస్టులతో ఆకట్టుకున్నాడు. అవేంటో సినిమాలోనే చూడాలి.
ఇక సెకండ్ హాఫ్ విషయానికి వస్తే అజిత్ ఫ్లాష్ బ్యాక్ ఉంటుంది. ఫ్లాష్ బ్యాక్ మొత్తం ఫైట్లు ఫైరింగ్ సీన్లే కనిపిస్తాయి. ఇక్కడే అజిత్ దోపిడీ గ్యాంగ్ స్టర్ గా ఎందుకు మారాడో చెప్పాడు దర్శకుడు. సినిమా మొత్తం.. మోసపోయిన ఓ వ్యక్తి తిరుగుబాటు లాంటి కథే. కాకపోతే..అజిత్ మార్క్ యాక్షన్ సీన్లకు మాత్రం కొదవ లేదు. అజిత్ ఫ్యాన్స్ కు పిచ్చిగా నచ్చేస్తుంది సినిమా. కామన్ ఆడియన్స్ కు సినిమాలోని కథ నచ్చుతుందని చెప్పాలి. మొత్తానికి అజిత్ తెగింపు.. ఫుల్ యాక్షన్ ఆండ్ మెసేజ్ సినిమా. ఇంత కంటే ఎక్కువ చెప్తే థియేటర్లో చూడటానికి ఏమీ ఉండదు కాబట్టి.. ఇక్కడితో ఆపేద్దాం..!
