ఊహించినట్టుగానే నిన్నటి అన్ స్టాపబుల్ షో రికార్డులు బద్దలు కొట్టేసింది. బాప్ ఆఫ్ ఆల్ ఎపిసోడ్స్ అంటూ నిన్న రాత్రి ప్రేక్షకుల ముందుకు వచ్చిన పవన్ కళ్యాణ్ ఎపిసోడ్ ఫస్ట్ పార్ట్.. ఆడియన్స్ ఎంగేజ్మెంట్ విషయంలో ఇంతకు ముందు రికార్డులన్నింటినీ తిరగరాసినట్టే. ఒకేసారి కోట్లాది మంది స్ట్రీమింగ్ చేసేయటంతో ఆహా ఇదివరకే ఊహించినట్టుగానే సర్వర్ విషయంలో కాస్త ఇబ్బందులు ఎదురయ్యాయి. ఎంత మందిని పంపిస్తావో పంపించు షేర్ ఖాన్ అంటూ రామ్ చరణ్ మగధీర సీన్ స్పూఫ్ చేసి వదిలారు ఆహా వాళ్ళు ఈ ఎపిసోడ్ గురించే. ఎంత మంది ఒకేసారి లైవ్ లో చూసేసినా ఇబ్బంది తలెత్తనంతగా సర్వర్ రెడీగా ఉందని ఆహా చెప్పింది. అంత ముందు జాగ్రత్త తీసుకోబట్టి సరిపోయింది గానీ లేకపోతే సర్వర్లు క్రాష్ అయ్యేవే. ఆ రేంజ్ లో ఉంది నిన్నటి ఎపిసోడ్ బజ్.
పవన్ కళ్యాణ్ తో చిత్రీకరించిన మొత్తం ఎపిసోడ్ ను రెండు భాగాలుగా చేయగా.. ఫస్ట్ పార్ట్ నిన్న రాత్రి రిలీజైంది. ఇందులో పవన్ చాలా విషయాలనే పంచుకున్నాడు. అన్నింటికంటే ఎక్కువగా పవన్ తన పర్సనల్ విషయమైన మూడు పెళ్ళిళ్ళపై బాలయ్య సంధించిన ప్రశ్నకు ఏం సమాధానం చెప్తాడోనని అందరూ ఎదురు చూశారు. నిజ జీవితంలో పవన్ పంచుకోలేని చాలా విషయాలను బాలయ్య తన ప్రశ్నల ద్వారా బయటకు తీశాడనే చెప్పాలి. ఏది ఏమైనా.. ఆహా వాళ్ళు చెప్పినట్టు ఇది నిజంగా బాప్ ఆఫ్ ఆల్ ఎపిసోడ్స్ అనే మాట నిజమే. ఇక జనాల ఎదురు చూపులన్నీ సెకండ్ పార్టీపైనే. అది ఏ రేంజ్ లో బజ్ క్రియేట్ చేస్తుందో.. ఎన్ని రికార్డులు బద్దలు కొడుతుందో చూడాలి.
