స్టార్ హీరోయిన్లు రష్మిక మందన, ఐశ్వర్య రాజేశ్ ఫ్యాన్స్ మధ్య ప్రస్తుతం సోషల్ మీడియా వార్ నడుస్తున్న విషయం తెలిసిందే. రష్మికను ఐశ్వర్య కించపరిచేలా మాట్లాడిందన్న వార్తలపై స్పందించిన రష్మిక ఫ్యాన్స్.. ఐశ్వర్యను ట్రోల్ చేయటం మొదలుపెట్టారు. దీంతో ఐశ్వర్య తాను ఏ వ్యాఖ్యలు చేయలేదంటూ వివరణ ఇచ్చింది. ఓ ఇంటర్వ్యూలో ఐశ్వర్య మాట్లాడుతూ.. తనకు పుష్ప సినిమాలోని రష్మిక క్యారెక్టర్.. అలాగే దసరా సినిమాలోని కీర్తిసురేష్ క్యారెక్టర్.. ఇలాంటివి బాగా సెట్ అవుతాయని కామెంట్ చేసింది. కానీ సోషల్ మీడియాలో మాత్రం “పుష్ప సినిమాలో రష్మిక కంటే నేను ఇంకా బాగా చేసేదాన్ని” అని ఐశ్వర్య కామెంట్ చేసినట్టు ప్రచారం జరిగింది. చిన్నగా మొదలైన వివాదం పెద్దదవుతుండటంతో ఐశ్వర్య రాజేశ్ స్వయంగా దీనిపై స్పందించింది. ట్విటర్ లో క్లారిటీ ఇచ్చే ప్రయత్నం చేసింది. “నేను రష్మికను ఏమీ అనలేదు.. ఆమె నటన అంటే నాకు చాలా ఇష్టం.. కావాలని ఎందుకు రాద్ధాంతం చేస్తున్నారు.. రష్మిక పాత్ర నాకు బాగా సెట్ అవుతుందని మాత్రమే అన్నాను..” అంటూ క్లారిటీ ఇచ్చింది.
ఐశ్వర్య ట్వీట్ పై రష్మిక కూడా రియాక్ట్ అయ్యింది. “మై లవ్.. నేను ఇప్పుడే దీని గురించి తెలుసుకున్నాను.. నిన్ను నేను పూర్తిగా అర్థం చేసుకున్నాను.. నువ్వు ఎవరికీ వివరణ ఇవ్వాల్సిన అవసరం లేదు.. నాకు నీ పైన ఎంతో ప్రేమ, అభిమానం ఉన్నాయి.. ఎప్పటికీ ఉంటాయి కూడా. నీ కొత్త సినిమా ఫర్హానా చూశాను.. చాలా బాగుంది.. ఆల్ ది బెస్ట్” అంటూ ట్వీట్ చేసింది. రష్మిక ఐశ్వర్య పట్ల పాజిటివ్ గా స్పందించటంతో ఈ వివాదానికి ఫుల్ స్టాప్ పడనుంది. ఐశ్వర్య పట్ల రష్మిక పాజిటివ్ గా స్పందించటం పట్ల ఇద్దరు హీరోయిన్ల అభిమానులు ఆనందం వ్యక్తం చేస్తూ సోషల్ మీడియాలో దీన్ని కూడా వైరల్ చేసేస్తున్నారు.
