భారత సినిమా ఇండస్ట్రీలో ఎక్కడ చూసినా ఇండియన్ హిస్టరీలో ఫస్ట్ టైమ్ గోల్డెన్ గ్లోబ్ అవార్డు అందుకున్న నాటు నాటు పాట గురించే చర్చ. ఆర్ఆర్ఆర్ సినిమా తర్వాత రాజమౌళి రేంజ్ ఎక్కడికో వెళ్ళిపోయింది. ఈ సినిమా రిలీజైన నాటి నుంచి ప్రతి రోజూ దీని గురించి ఏదో ఓ వార్త వింటూనే ఉన్నాం. రికార్డులు.. కలెక్షన్లు.. అవార్డులు.. సత్కారాలు.. ఇలా ఎప్పుడూ ఆర్ఆర్ఆర్ వార్తల్లోనే ఉంటూ వచ్చింది. తాజాగా నాటు నాటు పాటకు గోల్డెన్ గ్లోబ్ అవార్డు వచ్చిన తర్వాత.. సడన్ గా కొరియోగ్రాఫర్ ప్రేమ్ రక్షిత్ సూపర్ స్టార్ అయిపోయాడు. మ్యూజిక్ కంపోజ్ చేసిన కీరవాణి గానీ.. రాజమౌళి గానీ ఇప్పటికే ఎన్నో అవార్డులు సత్కారాలు అందుకున్న లెజెండ్స్. కానీ గోల్డెన్ గ్లోబ్ అనేది ప్రేమ్ రక్షిత్ కు మాత్రం లైఫ్ లో బిగ్గెస్ట్ అవార్డుగా నిలిచిపోనుంది.
నాటు నాటు పాట కోసం సుమారు 18 రకాల హుక్ స్టెప్పులు ప్రేమ్ రక్షిత్ కంపోజ్ చేశాడట. కానీ అన్నింటికంటే కూడా ఇప్పుడు మనం సినిమాలో చూస్తున్న స్టెప్ రాజమౌళికి బాగా నచ్చిందట. ఇద్దరు హీరోలు చేతులు కట్టుకొని స్టెప్పులు వేయటం నచ్చి ఈ హుక్ నే ఫైనల్ చేశారట. ఇప్పుడు అదే స్టెప్ ప్రపంచంలో ఎక్కడ చూసినా దర్శనమిస్తోంది. ఎక్కడెక్కడో దేశాలకు చెందిన సెలబ్రిటీలు కూడా నాటు నాటు అంటూ స్టెప్పులేసి సోషల్ మీడియాలో పోస్టు చేస్తున్నారు. ప్రేమ్ రక్షిత్ కు ఫేమ్ రావటం కాస్త లేటైనా.. లైఫ్ లో దీన్ని మించింది రాదేమో అనే రేంజ్ లో అతను పాపులర్ అయిపోయాడు.
