వివాదాస్ఫద వ్యాఖ్యలు చేస్తూ అప్పుడప్పుడూ అలా బ్రేకింగ్ న్యూస్ లో కనిపించే నటి పూనమ్ కౌర్.. ఇప్పుడు పవన్ కళ్యాణ్ కొత్త సినిమా పోస్టర్ పై చేసిన ట్వీట్ మళ్ళీ ఆమెను బ్రేకింగ్ న్యూస్ లో ఉండేలా చేసింది. లేటెస్ట్ గా పవన్ కళ్యాణ్ కొత్త సినిమా ఉస్తాద్ భగత్ సింగ్ పోస్టర్ విడులదైంది. ఈ పోస్టర్ పైనే పూనమ్ కౌర్ విమర్శ చేసింది. పోస్టర్ లో పవన్ కళ్యాణ్ కాలు కనిపిస్తోంది. ఈ కాలు కింద సినిమా టైటిల్ ఉస్తాద్ భగత్ సింగ్ అని ఉంది. దీనిపైనే పూనమ్ ఫైర్ అయ్యింది. మీరు స్వాతంత్ర సమరయోధులను గౌరవించకపోయినా ఫరవాలేదు.. కానీ అవమానించకండి.. కాలు కింద భగత్ సింగ్ పేరు వేస్తారా.. అంటూ పవన్ కళ్యాణ్ ను టార్గెట్ చేసి ప్రశ్నించింది. దీనిపై ప్రస్తుతం పవన్ ఫ్యాన్స్ కు పూనమ్ కు మధ్య ట్విటర్ వార్ నడుస్తోంది. మళ్ళీ వార్తల్లో కనిపించే పని మొదలుపెట్టావా అంటూ పూనమ్ ను పవన్ ఫ్యాన్స్ విమర్శిస్తున్నారు.
పూనమ్ కౌర్ బ్రేకింగ్ న్యూస్ గా మారటానికి చేసినా.. నిజాయితీగా చేసినా ఇక్కడ మనం గమనించాల్సిన విషయం ఒకటి ఉంది. అది అవ్వటానికి కేవలం సినిమా పోస్టరే అయినా.. టైటిల్ ప్లేస్ మెంట్ కరెక్ట్ కాదనే అనిపిస్తోంది. కాలు కింద టైటిల్ ప్లేస్ చేసే బదులు అదేదో పైన పెట్టేస్తే సరిపోతుంది కదా. నిజానికి పోస్టర్ డిజైన్ చేసిన సమయంలో ఇంత లోతుగా ఆలోచించి ఉండకపోవచ్చు. టైటిల్ పైన కాలు ఫోటో బాగోదన్న ఆలోచన తట్టి ఉండకపోవచ్చు. పూనమ్ దురుద్దేశంతో చేసినా సరే సినిమా యూనిట్ పాజిటివ్ గా తీసుకొని పోస్టర్ సవరిస్తే బాగుంటుంది. దీని వల్ల పూనమ్ కౌర్ కు వచ్చే క్రెడిట్ ఏమీ లేదు.. అలాగే ఉస్తాద్ భగత్ సింగ్ సినిమా టీమ్ కు పోయేది కూడా ఏమీ లేదు. పైగా.. పోస్టర్ డిజైన్ మార్చితే సినిమాపై గౌరవం పెరుగుతుంది.
