‘మళ్ళీ పెళ్ళి’ సినిమాతో రచ్చ రచ్చ చేస్తున్న ఓల్డ్ కపుల్ పవిత్ర లోకేష్, నరేష్.. ఇప్పుడు టాలీవుడ్ టాక్ ఆఫ్ ది టౌన్ గా మారారు. ఎక్కడ పడితే అక్కడ కనిపిస్తూ.. ఎదురైన ప్రతి యూట్యూబ్ చానల్ కూ ఇంటర్వ్యూ ఇచ్చేస్తూ లైలా మజ్నూ రేంజ్ లో తమ లవ్ స్టోరీని ప్రచారం చేసుకుంటున్నారు. తమ జీవితంలో జరిగిన పెళ్ళిళ్ళు.. విడాకులు.. వాటి మధ్య జరిగిన వివాదాలు.. వీటన్నింటి చుట్టూ అల్లుకొని రాసుకున్న ‘అపురూపమైన ప్రేమగాథ’ను తెగ ప్రచారం చేస్తున్నారు ‘నవ దంపతులు’..! లేటెస్ట్ గా ఓ ఇంటర్వ్యూలో ఒంటరిగా పాల్గొన్న పవిత్ర.. సంచలన స్టేట్మెంట్ ఇచ్చేసింది. నరేష్ మరియు తాను పెళ్ళి చేసుకోవాలనుకుంటున్నామన్న వార్త కృష్ణ గారి కుటుంబానికి అందరి కంటే ముందే తెలుసు అనీ.. మహేశ్ బాబుతో సహా కృష్ణ గారి ఫ్యామిలీలో అందరూ తమ పెళ్ళికి అంగీకారం తెలిపినట్టు పవిత్రా లోకేష్ చెప్పుకొచ్చింది. ఈ వార్త ఇప్పుడు సోషల్ మీడియాలో వైరల్ అవుతోంది.
నరేష్ మూడో భార్య రమ్య రఘుపతితో నరేష్ కు ఇంకా డైవర్స్ అవ్వలేదు. నరేష్ పవిత్రతో కలిసి ఉండటాన్ని రెడ్ హ్యాండెడ్ గా మీడియాకు పట్టించటానికి రాత్రంతా నరేష్ పవిత్ర ఉన్న హోటల్ లో మాటు వేసి పొద్దున్నే మీడియా వాళ్ళను పిలిచి నరేష్, పవిత్రలను మీడియాకు చూపించింది రమ్య రఘుపతి. కానీ నరేష్ మాత్రం తానేదో గిన్నిస్ బుక్ వరల్డ్ రికార్డు సాధించినంత రేంజ్ లో ఎగేసుకుంటూ హోటల్ నుంచి వెళ్ళిపోవటంపై అప్పట్లో ట్రోలింగ్ నడిచింది. అప్పుడు మొదలైన ట్రోలింగ్ ఇంకా ఆగట్లేదు సరికదా.. ట్రోలర్లు ఆగాలని అనుకున్నా పవిత్ర, నరేష్ ఆగనిచ్చేలా లేరు. ప్రపంచానికి ఆదర్శంగా చరిత్రలో నిలిచిపోయే పని ఏదో చేసేసినట్టు.. ఏ మహమ్మారికో మందు కనిపెట్టినట్టు.. తెగ బిల్డప్ ఇచ్చేస్తున్నారు. విడాకులు తీసుకోకుండా కలిసి ఉంటూ.. తామేదో ఘనకార్యం చేసినట్టు సినిమా ప్రమోషన్లు చేస్తూ వీళ్ళు చేస్తుున్న హడావుడి చెత్తగా ఉందన్న విషయం వాళ్ళకు తప్ప అందరికీ అర్థమవుతోంది పాపం. “తీయండ్రా.. తీయండి..! కృష్ణ గారి ఫ్యామిలీ పరువు మొత్తం తీసి గంగలో కలపండి..!!” అనేది కృష్ణ గారి అభిమానుల కామెంట్. ఇప్పుడే వీళ్ళ పద్ధతి ఇలా ఉంటే.. ఇంకా వీళ్ళ ప్రేమ “టైటానిక్” సినిమా విడుదలైతే ఎన్ని చేస్తారో అని తెగ భయపడిపోతున్నారు పాపం మహేశ్ ఫ్యాన్స్.
