“మళ్ళీ పెళ్ళి సినిమాను 600 భాషల్లో తీయొచ్చు.. అంత కంటెంట్ ఉంది ఈ సినిమాలో”.. ప్రస్తుతం ఈ డైలాగ్ సోషల్ మీడియాలో మోస్ట్ ట్రెండింగ్ డైలాగ్. నరేష్, పవిత్ర లోకేష్ తమ నిజ జీవితంలో జరిగిన సంఘటనల ఆధారంగా ఈ సినిమా తెరకెక్కించామనీ.. అన్ని దేశాల వారికీ, అన్ని భాషల వారికీ ఈ సినిమా కనెక్ట్ అవుతుందని చెప్తూ సినిమా ట్రైలర్ లాంచ్ ఈవెంట్లో నరేష్ ఈ కామెంట్ చేశాడు. దీన్ని సోషల్ మీడియాలో తెగ ట్రోల్ చేస్తున్నారు. “అన్ని భాషల్లో తీయటానికి నువ్వేమైనా ప్రపంచ యుద్ధం గురించి సినిమా తీస్తున్నావా..” అంటూ నెటిజన్లు సోషల్ మీడియాలో నరేష్ ను పిచ్చి పిచ్చిగా ట్రోల్ చేస్తున్నారు. “మళ్ళీ పెళ్ళి అని కాదు.. మళ్ళీ మళ్ళీ మళ్ళీ పెళ్ళి అని పేరు పెట్టాల్సింది ఈ సినిమాకు” అని ఒకరు.. “ఎనిమిదో పెళ్ళి” అని పేరు పెట్టాల్సింది అంటూ మరొకరు.. ఇలా మళ్ళీ పెళ్ళి సినిమాను ఆట ఆడేసుకుంటున్నారు. నరేష్ ఈ డైలాగ్ చెప్తున్న సమయంలో పవిత్ర సిగ్గు పడుతూ నవ్వుతున్న సీన్ ను “మీరు సిగ్గు పడకండి.. చచ్చిపోవాలనిపిస్తుంది” అనే డైలాగ్ తో కలిపి సోషల్ మీడియాలో వదిలేశారు జనాలు. మొత్తానికి మళ్ళీ పెళ్ళి సినిమాకు కావాల్సినంత పబ్లిసిటీ వచ్చేసిందన్నమాట.
ఏదేమైనా నరేష్ కాన్ఫిడెన్స్ ను మెచ్చుకోవాలి. లేకపోతే.. తాను చేసుకున్న నాలుగు పెళ్ళిళ్ళు.. పవిత్ర చేసుకున్న మూడు పెళ్ళిళ్ళ చుట్టూ ఓ కథ రాసేసుకొని.. అది సినిమాగా తీయటం.. అదేదో పాన్ ఇండియా సినిమా రేంజ్ లో పబ్లిసిటీ చేసుకోవటం.. ఏమిటిదంతా..?! ఇదేదో సుభాష్ చంద్రబోస్ లేక నెల్సన్ మండేలా బయోపిక్ సినిమానా..? లేకపోతే.. భారత స్వాతంత్రోద్యమం గురించి తెరకెక్కించిన ఓల్డ్ క్లాసిక్ సినిమానా..? ఇంతోటి దానికి టీజర్ లాంచ్ ఈవెంట్లు.. ట్రైలర్ లాంచ్ ఈవెంట్లు..!! బయటకు చెప్పటం లేదు గానీ.. టాలీవుడ్ జనాలు లోలోపల తెగ నవ్వుకుంటున్నారనిపిస్తోంది. కృష్ణ ఫ్యామిలీకి ఉన్న గౌరవాన్ని చెడదొబ్బటం కాకపోతే.. ఏంది ఈ రచ్చ..? ఇప్పటికే “ఆయనకు నాలుగు.. ఆమెకు మూడు..” అంటూ మీడియా ఏకి పారేస్తున్నా వీళ్ళకు సిగ్గుగా అనిపించటం లేదేమో. చేసిందే వెధవ పని.. అందులో మళ్ళీ లాజిక్స్ చెప్తారు మహానుభావులు. మూడో పెళ్ళానికి విడాకులు ఇవ్వకుండా నాలుగో పెళ్ళి.. అది కూడా మూడు సార్లు విడాకులు తీసుకున్న హీరోయిన్ తో..! దీని గురించి సినిమా.. దానికి పబ్లిసిటీ.. ఏంటో దిక్కుమాలిన పని..? వెర్రి కాకపోతే ఏమిటిది.. !?. ట్రైలర్ లాంచ్ కే ఇంత రచ్చ చేస్తున్నారు.. సినిమా రిలీజైన రోజున ఇంకెన్ని వినాలో.. ఇంకెన్ని చూడాలో.. ఖర్మ..!!!