గత కొద్ది రోజులుగా టాలీవుడ్ లో తరచూ వినిపిస్తున్న పేర్లు.. నరేశ్, పవిత్ర. త్వరలోనే పెళ్ళి చేసుకోబోతున్నామంటూ సెన్సేషనల్ అనౌన్స్ మెంట్ చేసిన ఈ ఇద్దరూ.. సోషల్ మీడియాలో వాళ్ళ రిలేషన్షిప్ కు సంబంధించిన ఫోటోలు, వీడియోలు పెట్టేస్తూ హల్ చల్ చేస్తున్నారు. ఆ మధ్య వీళ్ళు షేర్ చేసిన లిప్ కిస్ వీడియో.. టాలీవుడ్ కే కాదు.. మామూలు జనానికి కూడా పెద్ద షాకే ఇచ్చింది. ఇప్పటికే చెరో రెండు, మూడు పెళ్ళిళ్ళు చేసుకొని విడాకులు తీసుకున్న భారీ అనుభవం ఉన్న జంట ఇది. అందుకే వీళ్ళు ఏం చేసినా అది వైరల్ అవుతోంది. అయితే.. లేటెస్ట్ గా ఈ జంట గురించి ఓ న్యూస్ జనాన్ని ఆశ్చర్యపరుస్తోంది.
రీసెంట్ గా సోషల్ మీడియాలో వీళ్ళ పెళ్ళి వీడియో ఒకటి వైరల్ అయ్యింది. ఈ వీడియో చూసిన జనాలు వీళ్ళిద్దరూ పెళ్ళి చేసేసుకొని హనీమూన్ కు చెక్కేశారని అనుకున్నారు. కానీ అక్కడే ఉంది ట్విస్ట్. ప్రస్తుతం నరేష్ తన సొంత ఖర్చులే “సెకండ్ ఇన్నింగ్స్” అనే సినిమా తెరకెక్కిస్తున్నాడట. ఇదివరకే పెళ్ళై విడాకులు తీసుకున్న ఓ మిడిల్ ఏజ్ జంట.. మళ్ళీ పెళ్ళితో ఒకటై జీవితంలో రెండో ఇన్నింగ్స్ మొదలుపెడితే ఎలా ఉంటుందో అనేది ఈ సినిమా కథ. అంటే దాదాపుగా వీళ్ళిద్దరి రియల్ లైఫ్ స్టోరీ అన్నమాట. ఈ సినిమా కోసం షూట్ చేసిన వీడియోలను సోషల్ మీడియాలో వదిలేస్తూ హంగామా సృష్టించారు ఇన్ని రోజులు. చివరికి అవి వీళ్ళ కొత్త సినిమాలోని వీడియోలని తెలిసి జనం షాకవుతున్నారు. సెకండ్ ఇన్నింగ్స్ సినిమా కోసం తీసిన విజువల్స్.. వీళ్ళ రియల్ సెకండ్ ఇన్నింగ్స్ కు సంబంధించినవి అని ఇన్ని రోజులు జనం పొరపాటు పడ్డారన్నమాట.
