వాల్తేరు వీరయ్య సినిమా వసూళ్ళతో బాక్సాఫీస్ వద్ద కనక వర్షం కురిపిస్తున్న విషయం తెలిసిందే. సెన్సేషనల్ ఓపెనింగ్స్ సాధించిన వాల్తేరు వీరయ్య సినిమా సక్సెస్ సెలబ్రేషన్స్ ఈ రోజు జరిగాయి. చిరంజీవి, డైరెక్టర్ బాబీ, మ్యూజిక్ డైరెక్టర్ దేవిశ్రీ ప్రసాద్, ప్రొడ్యూసర్స్ సహా సినిమా యూనిట్ ఈ సెలబ్రేషన్స్ లో పాల్గొన్నారు. ఈ వేదికపై చిరంజీవి మాట్లాడుతూ డైరెక్టర్ బాబీని ఆకాశానికెత్తేశాడు. ప్రొడ్యూసర్లకు నష్టాలు రాకుండా ఆలోచించే కొద్ది మంది డైరెక్టర్లలో బాబీ ఒకడని చెప్పాడు. సినిమా కోసం ఖర్చు పెడుతున్న డబ్బు నిర్మాతదేననీ.. కానీ అవసరమా కాదా అనే ఆలోచన లేకుండా నిర్మాతల డబ్బు ఖర్చు చేయకుండా జాగ్రత్తగా ఆలోచించి సినిమా తీసే గుణం డైరెక్టర్లలో ఉండాలని చిరంజీవి అన్నారు. ఇలాంటి డైరెక్టర్లు ఇండస్ట్రీలో చాలా తక్కువ మంది ఉన్నారన్న చిరు.. మిగితా సీనియర్ డైరెక్టర్లు హర్ట్ అయినా సరే తాను చెప్పేది నిజం అంటూ చెప్పుకొచ్చారు.
సినిమా పూర్తైన తర్వాత ఎడిటింగ్ రూమ్ లో గంటల కొద్దీ కథ, సీన్లు మిగిలిపోయే రోజుల్లో తమ సినిమా మొత్తంలో కేవలం 10 నిముషాల సీన్లు మాత్రమే పక్కన పడిపోయాయనీ.. అంత జాగ్రత్తగా సినిమా పిక్చరైజేషన్ జరిగిందనీ.. ఇందుకు బాబీయే కారణమన్నారు. మైత్రి మూవీ మేకర్స్ తో చాలా కంఫర్ట్ గా ఉంటుందనీ.. ఎంతో మంది ప్రొడ్యూసర్లను చూశాను కానీ.. మైత్రి లాంటి వాళ్ళు చాలా తక్కువ అనీ చెప్పారు. చిరంజీవి మాటలకు డైరెక్టర్ బాబీ సంతోషంతో చిరంజీవికి నమస్కరించటం కనిపించింది. పక్కనే ఉన్న దేవిశ్రీ ప్రసాద్ కూడా చిరంజీవి కామెంట్లకు బాబీని అభినందించాడు. సంక్రాంతి కానుకగా విడుదలైన వాల్తేరు వీరయ్య.. ఫస్ట్ 35 కోట్లకు పైగా కలెక్షన్లతో నెంబర్ వన్ ప్లేస్ లో ఉంది.
