రైల్వే చరిత్రలో విషాద ఘటనగా నిలిచిపోయిన బాలాసోర్ రైలు ప్రమాదం జరిగి 12 రోజులు అయ్యింది. ఈ ప్రమాదంలో సుమారు 280 మంది వరకూ ప్రాణాలు కోల్పోగా 12 వందల మంది వరకూ గాయాలపాలయ్యారు. మృతుల కుటుంబాలకు 10 లక్షల రూపాయల నష్ట పరిహారాన్ని అందజేసింది కేంద్ర ప్రభుత్వం. అలాగే మమతా బెనర్జీ ప్రభుత్వం కూడా గాయపడిన వారికి లక్ష ఆర్థిక సాయం ప్రకటించిన విషయం తెలిసిందే. అయితే.. ఇక్కడే ఊహించని వివాదం ఒకటి ఊపిరి పోసుకుంది. లక్ష నష్ట పరిహారం ప్రకటించిన మమతా సర్కార్.. బాధితులకు చెక్కుల రూపంలో పరిహారం ఇవ్వకుండా తహసీల్ కార్యాలయాల ద్వారా వారికి 2 వేల నోట్లను ఇస్తోంది. అది కూడా లక్ష కాదు.. 2 లక్షలు. వంద 2 వేల నోట్లు నష్ట పరిహారంగా తీసుకున్న బాధితులు వాటిని తమ బ్యాంకు ఖాతాలో వేసుకోవాలా.. లేక బ్యాంకులో మార్చుకోవాలా.. అర్థం కాక తికమకపడుతున్నారు. పదే పదే బ్యాంకుల చుట్టూ తిరిగి అలసిపోయిన బాధితులు కేంద్రంలోని మోడీ సర్కార్ ను తిట్టి పోస్తున్నారు.
2 వేల నోట్లు ఇచ్చింది మమతా బెనర్జీ సర్కార్ అయితే.. తిట్లు తింటున్నది మాత్రం మోడీ సర్కార్. ఇక్కడే మమతా తన రాజకీయం ప్రదర్శించింది. మోడీని బద్నాం చేయటానికి ఏ చిన్న అవకాశం వచ్చినా విడిచిపెట్టని దీదీ.. రైలు ప్రమాదం నష్ట పరిహారం విషయంలో కూడా తన మార్కు తాటకి రాజకీయం మొదలుపెట్టింది. లక్ష నష్ట పరిహారం ఇస్తామని చెప్పి 2 లక్షలు ఇచ్చి తాను మాత్రం మంచి పేరు తెచ్చుకునే స్కెచ్ వేసింది మమత. అదే సమయంలో ఉపసంహరించబడిన 2 వేల నోట్లను బాధితుల చేతుల్లో పెట్టి వంద నోట్లను మార్చుకోలేక వారు ఇబ్బంది పడేలా చేసింది. తద్వారా మోడీని.. మోడీ సర్కారునూ బాధితులు తిట్టుకోవాలి. 2 వేల నోట్లు మార్చుకోలేక జనం తిప్పలు పడాలి.. అదే సమయంలో తనకు మంచి పేరు రావాలి.. అలాగే మోడీకి చెడ్డ పేరు కూడా రావాలి. ఒక్క స్కీమ్ తో మూడు బెనిఫిట్స్ అన్నమాట. రైలు ప్రమాద బాధితులు 2 వేల నోట్లు చేతిలో పట్టుకొని ఇక్కట్లు పడుతుండటం ఇప్పుడు సోషల్ మీడియాలో ట్రెండింగ్ టాపిక్. ఇంతకీ ఈ 2 వేల నోట్లు ఎక్కడివో తెలుసా.. దీదీ సహా ఆమె మంత్రి వర్గ సభ్యులు అక్రమంగా కూడబెట్టుకున్న బ్లాక్ మనీ తాలూకు కట్టలన్నమాట ఇవి. తమ వద్ద మూలుగుతున్న నల్ల కట్టలను జనానికి పరిహారం రూపంలో పంచేసి.. ప్రభుత్వ ఖాతాల నుంచి 5 వందల నోట్ల కట్టలను ఎగరేసుకు పోవటానికి దీదీ సర్కార్ ఇంతకు తెగిచిందన్నమాట. ఇదేమిటని ఎవరైనా ప్రశ్నిస్తే.. బాధితులకు పరిహారం అందిందా లేదా అనేది మాత్రమే ఇక్కడ ముఖ్యం అంటూ ప్రజలపై ప్రేమవాక్యాలు వల్లిస్తున్నారు దీదీ తోటి మంత్రులు. ఇది కదా రాజకీయం అంటే..!
