2023 లో ఆర్ఆర్ఆర్ ఊహించిన విక్టరీ అయితే.. కాంతారా ఏమాత్రం ఎక్స్ పెక్ట్ చేయని ఓ భారీ సర్ ప్రైజ్ ప్రేక్షకులకు. ఏమాత్రం అంచనాలు లేకుండా వచ్చి రికార్డులు బద్దలుకొట్టి పాన్ ఇండియా రేంజ్ లో కలెక్షన్ల సునామీ సృష్టించింది కాంతార. రిషబ్ శెట్టి దర్శకత్వం.. నటన.. ప్రేక్షకులను కట్టి పడేశాయి. కథ, కథనం, కథాంశాలకు ప్రేక్షుకులు ఫిదా అయ్యారు. అయితే.. ఇప్పుడు అదే ప్రేక్షకులకు కాంతార టీమ్ మరో భారీ అనౌన్స్ మెంట్ తో పెద్ద గిఫ్టే ఇచ్చింది. కాంతార 2 ను తెరకెక్కిస్తున్నట్టు హొంబలే ఫిల్మ్స్ అనౌన్స్ చేసింది. ప్రొడ్యూసర్ విజయ్ ఓ ఇంటర్వ్యూలో అడిగిన ప్రశ్నకు సమాధానంగా ఈ విషయాన్ని వెల్లడించారు. కాంతార 2 కథ సిద్ధమైందని చెప్పిన విజయ్.. త్వరలోనే షూటింగ్ స్టార్ట్ చేస్తామన్నారు.
కాంతార 2 స్టోరీలో వర్షాకాలానికి సంబంధించిన సీన్లు ఉన్నాయనీ.. కాబట్టి జూన్ నెలలో కాంతార 2 షూటింగ్ స్టార్ట్ చేస్తామనీ చెప్పారు. కాంతార 2 సినిమా కాంతారకు సీక్వెల్ కాదనీ.. ఇది చాలా డిఫరెంట్ అన్నారు. కాకపోతే కథ ఏమిటనేది మాత్రం చెప్పలేదు. పంజుర్లీ దేవుడికే సంబంధించిన మరో అంశంతో కాంతార 2 రాబోతోందని మాత్రం క్లూ ఇచ్చారు. మొత్తానికి మరో ఐ ఫీస్ట్ కు ప్రేక్షకులు రెడీగా ఉండాలన్నమాట.
