జాన్వీ కపూర్ త్వరలో తెలుగులో సినిమా చేయబోతోందంటూ చాలా కాలంగా వార్తలు వస్తున్నప్పటికీ దానిపై అఫీషియల్ అనౌన్స్ మెంట్లు మాత్రం రాలేదు. అసలు జాన్వీ తెలుగులో సినిమా ఒప్పుకుంటుందా.. ఇప్పటికే ఒప్పుకుందా.. అనేది సస్పెన్స్ గానే ఉండేవి. ఎన్టీఆర్ తో కలిసి జాన్వీ తెలుగులో ఎంటర్ కాబోతోందన్న వార్తలు కూడా చాలా కాలంగా వినిపిస్తున్నా.. క్లారిటీ లేదు. కానీ ఇప్పుడు దీనిపై అఫీషియల్ అనౌన్స్ మెంట్ వచ్చింది. ఎన్టీఆర్, కొరటాల శివ కాంబినేషన్లో తెరకెక్కుతున్న కొత్త సినిమాలో ఎన్టీఆర్ పక్కన జాన్వీ కలిసి కనిపించబోతోంది. స్వయంగా జాన్వీయే దీనిపై క్లారిటీ ఇచ్చింది. ఎన్టీఆర్, కొరటాల శివ సినిమాకు సంబంధించిన తన లుక్ తో ఓ పోస్టర్ ను సోషల్ మీడియా ద్వారా షేర్ చేసుకుంది.
లంగా ఓణీలో అచ్చ తెలుగు పల్లెటూరి అమ్మాయి గెటప్ లో కనిపిస్తున్న జాన్వీ కపూర్ ఫోటో ఇప్పుడు టాలీవుడ్ లో ట్రెండ్ అవుతోంది. సోషల్ మీడియాలో ఎక్కడ చూసినా ఈ ఫోటోనే దర్శనమిస్తోంది. అటు ఎన్టీఆర్ ఫ్యాన్స్, ఇటు తెలుగు ప్రేక్షకులు కలిసి ఈ ఫోటోను విపరీతంగా షేర్ చేస్తున్నారు. జాన్వి లుక్ ను చూసిన జనాలు ఫిదా అయిపోతున్నారు. ఇన్నాళ్ళూ సస్పెన్స్ గా ఉంచి ఇప్పుడు సడన్ గా సీక్రెట్ రివీల్ చేయటంతో ప్రస్తుతం జాన్వీ కపూర్ ఇంటర్నెట్ ను షేక్ చేసేస్తోంది.
