ప్రపంచవ్యాప్తంగా సంచలనం సృష్టించిన టైటన్ సబ్ మెరూన్ ప్రమాదంపై ప్రఖ్యాత హాలీవుడ్ డైరెక్టర్ జేమ్స్ కామెరూన్ ఊహించని విధంగా స్పందించారు. టైటన్ సబ్ మెరూన్ సిగ్నల్ రేంజ్ నుంచి బయటపడి సెంటర్ తో సంబంధాలు తెగిపోయిన గంటలోనే అది విచ్ఛిన్నమైందని తాను నిర్దారణకు వచ్చానంటూ ఆయన చెప్పారు. సంబంధాలు తెగిపోయిన కొద్ది సేపటి తర్వాత భారీ పేలుడు శబ్ధం వెలువడిందనీ.. హైడ్రోఫోన్ ద్వారా ఆ శబ్ధాన్ని తాను కూడా విన్నాననీ చెప్పారు. దీనిపై సముద్రంలో అన్వేషిస్తున్న సెర్చ్ టీమ్ తనకు సమాచారం అందజేయగా ఆ సమాచారాన్ని విశ్లేషించగలిగానని చెప్పిన జేమ్స్.. అప్పుడే టైటన్ పేలిపోయిందనీ.. అందులో ఉన్న వారు చనిపోయారని తాను చెప్పానన్నారు. కానీ ఎలాంటి స్పష్టమైన ఆధారాలు లేకుండా దీనిపై ప్రకటన చేయటం సరికాదన్న ఉద్దేశంతో పాటు వారు ప్రాణాలతో ఉండే ఉంటారన్న ఆశ తమలో అప్పటికీ ఉన్నదని చెప్పాడు.
టైటానిక్ షిప్ ఓ ఐస్ బర్గ్ ను ఢీకొని మునిగిపోయిన అతి ప్రమాదకరమైన ప్రాంతం అది. అలాంటి ప్రాంతాల్లో అత్యంత జాగ్రత్తగా ఉండాలనీ.. లేకపోతే ఇలాంటి ప్రమాదాలు తప్పదనీ హెచ్చరించాడు కామెరూన్. ఓషియన్ గేట్ టైటన్ సబ్ మెరైన్ సెక్యూరిటీ విషయంలో అంతా బాగానే ఉందని తాను నమ్ముతున్నాన్నాడు. టైటన్ లో అధునాతన సెన్సార్లు, సెక్యూరిటీ సిస్టమ్ ఉన్నాయనీ.. ప్రమాదం జరుగుతున్న సమయంలో లోపల ఉన్న వారికి హెచ్చరికలు అందుతాయనీ.. కానీ.. ఏం జరుగుతుందో తెలిసేలోపే విధ్వంసం జరిగి లోపల ఉన్న వాళ్ళు తప్పించుకునే అ‌వకాశం లేకుండా పోయి ఉంటుందని జేమ్స్ చెప్పాడు. ప్రమాదంలో మరణించిన వారిలో సముద్ర పరిశోధనలు చేసే పాల్ హెన్రీ ఉన్న విషయం తెలిసిందే. హెన్రీ జేమ్స్ కామెరూన్ కు మధ్య 25 యేళ్ళుగా స్నేహం ఉంది. వీళ్ళద్దరూ చాలా సార్లు కలవటంతో పాటు సముద్ర అన్వేషణ విషయంలో చర్చించుకునేవాళ్ళట. హెన్రీ మరణం తనను తీవ్రంగా కలచివేసిందని జేమ్స్ విచారం వ్యక్తం చేశాడు. పాల్ హెన్రీ టైటన్ ఘటనకు ముందు 37 సార్లు అదే ప్రాంతాన్ని సందర్శించాడట. ఏది ఏమైనా.. టైటానిక్ మునిగిన ప్రదేశాన్ని చూడటానికి వెళ్ళిన వాళ్ళు ఈరకంగా ప్రాణాలు కోల్పోవటం పట్ల ప్రపంచ వ్యాప్తంగా విచారం వ్యక్తమవుతోంది.
