తరచూ వివాదాస్ఫద, కఠిన నిర్ణయాలు తీసుకుని నిర్దాక్షిణ్యంగా అమలు చేసే ఉత్తర కొరియా నియంత కిమ్ జోంగ్ ఉన్.. ఇప్పుడు మరో భయంకర నిర్ణయం తీసుకున్నాడు. కొరియాలో ఎవరైనా హాలీవుడ్ సినిమా చూస్తూ పట్టుబడితే వాళ్ళను జైలుకు పంపిస్తామంటూ ఆదేశాలు జారీ చేశాడు. చిన్న పిల్లలు, పెద్ద వాళ్ళు అనే తేడా లేకుండా ఎవరైనా సరే ఇంగ్లిష్ సినిమా చూస్తూ పోలీసులకు చిక్కితే వారిని నిర్దాక్షిణ్యంగా జైలుకు పంపిస్తామంటూ హెచ్చరించాడు కిమ్ జోంగ్ ఉన్. దేశంలో వెస్టర్న్ కల్చర్ ప్రబలకుండా ఉండేందుకే ఈ నిర్ణయం తీసుకున్నట్లు అధికారులు చెప్తున్నారు.
ఇంగ్లిష్ సినిమాలు చూసినట్టు తేలితే పిల్లలకు 5 సంవత్సరాల జైలు శిక్ష విధించనున్నారు. పెద్ద వాళ్ళను 6 నెలలు కార్మిక శిబిరాలకు తరలించి వారి చేత ఆరు నెలల పాటు పని చేయించుకొని ఆ తర్వాత మరో ఐదేళ్ళు జైళ్ళో ఉంచుతారు. ఉత్తర కొరియా విశిష్టత గురించి దేశ ప్రజలందరికీ తెలియాలనీ.. దేశ సంస్కృతిని కాపాడేందుకే ఇలాంటి కఠిన నిర్ణయాలు తీసుకుంటున్నామని కిమ్ జోంగ్ ఉన్ చెప్తున్నాడు. తాజా నిర్ణయం పట్ల దేశప్రజలు మరోసారి “దేవుడా ఎంటి ఈ బతుకు” అనుకుంటున్నారు. సొంత ఇంట్లో కూర్చొని కనీసం నచ్చిన సినిమా చూసే స్వేచ్ఛ కూడా లేదా ఈ దేశంలో ఉంటూ జనం వాపోతున్నారు.
