న్యూజీలాండ్ తో బుధవారం నాడు జరిగిన భారత వన్డే మ్యాచ్.. ఇండియన్ క్రికెట్ ఫ్యాన్స్ కు కొత్త సూపర్ హీరోను అందించింది. అతడే శుబ్మన్ గిల్. ఏమాత్రం అంచనాలు లేకుండా క్రీజులోకి వచ్చి ఏకంగా డబుల్ సెంచరీతో అపోజిషన్ కు చుక్కలు చూపించిన శుబ్మన్.. ఇండియన్ క్రికెట్ హిస్టరీలో చాలా అరుదైన రికార్డునే తన ఖాతాలో వేసుకున్నాడు. సచిన్, సెహ్వాగ్, రోహిత్ శర్మ, ఇషాన్ కిషన్ లతో పాటు డబుల్ సెంచరీ సాధించిన క్రికెటర్ల జాబితాలో పేరు రాసేసుకున్నాడు. ఓవర్ నైట్ సూపర్ హీరో అయ్యాడు. పేరు రావటం మాత్రం రాత్రికి రాత్రే జరిగింది కానీ.. దాని వెనుక కష్టం మాత్రం చాలా పెద్దదే ఉంది. తనను క్రికెటర్ గా ఇండియన్ టీమ్ లో చూడాలన్న తన తండ్రి కల నెరవేరి.. జాతీయ జట్టుకు ఆడుతున్నందుకు.. ఓ అద్భుతమైన పర్ఫార్మెన్స్ ఇచ్చినందుకు ప్రస్తుతం ఈ తండ్రీ కొడుకులు ఇద్దరూ ఫుల్ హ్యాప్పీ.
క్రికెటర్ కావాలన్న తన కల నెరవేరలేదని.. కనీసం తన కొడుకునైనా క్రికెటర్ చేయాలని భావించిన శుబ్మన్ తండ్రి లఖ్విందర్.. తన పొలాన్ని కాస్తా క్రికెట్ గ్రౌండ్ గా మార్చేశాడంటే.. వీరిద్దరికీ క్రికెట్ ఎంత పెద్ద కలో ఊహించవచ్చు. శుబ్మన్ క్రికెట్ కెరీర్ కోసం సొంత ఊరు వదిలి.. మొహాలీకి వచ్చేసింది అతడి కుటుంబం మొత్తం. అప్పటి నుంచి నేషనల్ టీమ్ లో చోటు సాధించటమే కలగా కష్టపడిన శుబ్మన్ కల రెండేళ్ళ క్రితమే నెరవేరినా.. తన సత్తా చాటే అవకాశం మాత్రం నిన్ననే వరించింది. వచ్చిన అవకాశాన్ని సద్వినియోగం చేసుకున్న శుబ్మన్.. ఎవరూ ఊహించని ఫీట్ చేసి ఔరా అనిపించాడు. ఈ రోజు కోసం శుబ్మన్ తో సహా అతడి ఫ్యామిలీ పడిన కష్టం ఇప్పుడు అతడిని ఓ సూపర్ హీరోను చేసింది. ప్రస్తుతం భారత్ లో ట్రెండింగ్ టాపిక్.. శుబ్మన్ గిల్. ఆల్ ది బెస్ట్ ఫర్ శుబ్మన్..!!
