ప్రముఖ నిర్మాత దిల్ రాజు పొలిటికల్ ఎంట్రీపై గత కొద్ది రోజులుగా వార్తలు వినిపిస్తున్న విషయం తెలిసిందే. బలగం సినిమా ఫంక్షన్ కు హాజరైన కేటీఆర్ దిల్ రాజు పొలిటికల్ ఎంట్రీపై కామెంట్స్ చేయటంతో ఇది హాట్ టాపిక్ గా మారింది. దీనిపై దిల్ రాజు కూడా స్వయంగా స్పందించాడు. తనకు రాజకీయాల్లోకి రమ్మని చాలా ఆఫర్లు ఉన్నాయనీ.. కాకపోతే ఇప్పుడే పొలిటికల్ ఎంట్రీ ఇచ్చే ఆలోచన లేదనీ దిల్ రాజు క్లారిటీ ఇచ్చాడు. దిల్ రాజు త్వరలోనే తెలంగాణ అధికార పార్టీ బీఆర్ఎస్ లోకి వెళ్ళి నిజామాబాద్ లో పోటీ చేస్తాడని కూడా వార్తలు వచ్చాయి. తాజాగా దిల్ రాజుపై మరో ఆసక్తికర వార్త వినిపిస్తోంది. దిల్ రాజు పవన్ కళ్యాణ్ పార్టీ అయిన జనసేనలోకి వెళ్ళే ఆలోచనలో ఉన్నాడనేది ఈ వార్తల సారాంశం.
సినిమా ఇండస్ట్రీలో దిల్ రాజు అగ్రశ్రేణి నిర్మాత. తెలంగాణలోని థియేటర్లలో మేజర్ వాటా కలిగిన వ్యక్తి. అంతే కాకుండా పవన్ కళ్యాణ్ తో దగ్గరి సంబంధాలు కలిగిన టాలీవుడ్ నిర్మాత. ప్రస్తుతం పవన్ రాజకీయాల్లో ఫుల్ బిజీగా ఉన్నాడు. అన్నింటికీ మించి ఏపీలో అప్పుడే ఎన్నికల వాతావరణం కనిపిస్తోంది. ఈ నేపథ్యంలో దిల్ రాజు ఆర్థికంగా పవన్ ను సపోర్ట్ చేయబోతున్నట్టు కూడా వార్తలు వినిపించాయి. అయితే.. ఈ వార్తలపై ఎక్కడా ఎవరూ క్లారిటీ ఇవ్వలేదు. తెలంగాణలో అధికార బీఆర్ఎస్ పార్టీ ఆఫర్ ను కాదనుకొని మరీ ఏపీలో పవన్ కళ్యాణ్ వెంట నడిచే ఆలోచన దిల్ రాజు చేయబోడనే అంటున్నారు. త్వరలోనే ఈ విషయంపై క్లారిటీ వచ్చే అవకాశం ఉంది.
