తెలుగులో వారసుడు పేరుతో విడుదలకు సిద్ధమైన తమిళ్ హీరో విజయ్ కొత్త సినిమా వారిసు.. దిల్ రాజుకు ఊహించని కష్టాలను తెచ్చిపెట్టేట్టు కనిపిస్తోంది. తమిళంలో మొదటి రోజు కలెక్షన్లు బాగానే ఉన్నా.. రెండో రోజు వచ్చేసరికి వారిసు డీలా పడిపోయింది. తమిళ్ వర్షన్ చూసిన చాలా మంది తెలుగు ప్రేక్షకులు.. ఈ సినిమా త్రివిక్రమ్ సినిమాకు కాపీ అంటూ సోషల్ మీడియాలో ట్రోల్ చేయటం మొదలుపెట్టారు. తమిళంలోనే అజిత్ తునివు సినిమాతో పోటీలో కష్టపడుతున్న వారిసు.. తెలుగులో అటు బాలయ్య.. ఇటు చిరంజీవి సినిమాల మధ్య అస్సలు నిలదొక్కుకునే అవకాశాలు లేవని సినీ క్రిటిక్స్ అంచనా.
తమిళంలోనూ తెలుగులోనూ ఒకేసారి ఈ సినిమా విడుదలైతే రెండు చోట్లా కలెక్షన్లు ఉండేవనీ.. తమిళంలో రిలీజ్ చేసి కథ తెలిసిపోయి ఇలా ట్రోలింగ్ చేసే స్థాయికి వచ్చాక విడుదల చేస్తే ఖచ్చితంగా బోల్తా కొట్టడం ఖాయమని పబ్లిక్ ఒపీనియన్. అంతే కాక.. తెలుగులో ఇద్దరు సూపర్ స్టార్ సినిమాలు బ్లాక్ బస్టర్ కలెక్షన్లతో దూసుకెళ్తున్న వేళ.. తెలుగు ప్రేక్షకులు పండగ పూట మన హీరోల సినిమాలు వదిలి విజయ్ సినిమా చూస్తారా అనేది కొంత మంది ప్రశ్న. మొన్న వచ్చిన వీరసింహారెడ్డి.. ఈరోజు వచ్చిన వాల్తేరు వీరయ్య హవా ముందు వారసుడికి కష్టమే. సో.. ఈ సారికి దిల్ రాజుకు ఈ డబ్బింగ్ సినిమా హ్యాండివ్వటం పక్కా అనిపిస్తోంది.
