వీరసింహారెడ్డి విజయోత్సవ సభలో బాలకృష్ణ చేసిన వ్యాఖ్యలు ఇండస్ట్రీలో దుమారం రాజేశాయి. నిన్న రాత్రి జరిగిన ఈ సక్సెస్ సెలబ్రేషన్స్ లో బాలకృష్ణ మాట్లాడుతూ అక్కినేని తొక్కినేని అంటూ కాంట్రవర్సీ కామెంట్లు చేశాడు. దీనిపై అభిమానులు గుర్రుగా ఉన్నారు. అక్కినేని నాగచైతన్య బాలకృష్ణ కామెంట్లపై ట్విట్ ద్వారా స్పందించాడు. ఎన్టీఆర్, ఎస్వీఆర్, ఏఎన్ఆర్ తెలుగు కళామతల్లి ముద్దు బిడ్డలు.. వారిని అగౌరవపరచటం అంటే మనల్ని మనం అగౌరవపరిచినట్టే అంటూ నాగచైతన్య, అఖిల్ ట్వీట్ లో పేర్కొన్నారు.
నిన్న రాత్రి జరిగిన విజయోత్సవ సభలో బాలకృష్ణ చేసిన ఈ వ్యాఖ్యలకు సంబంధించిన వీడియో సోషల్ మీడియాలో వైరల్ గా మారింది. అటు బాలకృష్ణ అభిమానులు.. ఇటు అక్కినేని అభిమానులు దీనిపై కామెంట్లు చేస్తుండటంతో టాలీవుడ్ లో ఇదే హాట్ టాపిక్ గా మారింది. అయితే.. అక్కినేని నాగార్జున మాత్రం దీనిపై స్పందించలేదు. బాలయ్య కావాలని అలా మాట్లాడలేదని.. ఫ్లోలో తెలియకుండా జరిగిందనీ బాలకృష్ణ ఫ్యాన్స్ వాదిస్తే.. ఏది ఏమైనా పెద్ద వాళ్ళ పట్ల అలా నోరు జారటం తప్పు అని అక్కినేని ఫ్యాన్స్ అంటున్నారు.
