బాహుబలి, బాహుబలి-2 సినిమాలు ఎంతటి సునామీ సృష్టించాయో మనకు తెలియనికి కాదు. తెలుగు సినిమా రేంజ్ ను యావత్ ప్రపంచానికి చాటి చెప్పిన ఈ రాజమౌళి సినిమాలు ఇప్పటికీ టాలీవుడ్ లో హాట్ టాపికే. లేటెస్ట్ గా నటి తమన్నా మాత్రం బాహుబలి సినిమాలపై వెరైటీ కామెంట్లు చేసింది. ప్రపంచ వ్యాప్తంగా ప్రభాస్, రానాలతో పాటు దర్శకుడు రాజమౌళి పేర్లు మార్మోగేలా చేసిన బాహుబలి.. తనకు మాత్రం పనికిరాకుండా అయిందని బాధపడింది తమన్నా. అనుష్క, రమ్యకృష్ణల కంటే తనకు తక్కువ పేరే వచ్చిందని వ్యాఖ్యానించింది. తన క్యారెక్టర్ ఓ గెస్ట్ రోల్ లా మిగిలిపోయిందని చెప్పింది. కానీ, టాలీవుడ్ సత్తా ప్రపంచానికి చాటి చెప్పిన బాహుబలిలో తాను భాగం అయినందుకు ఎప్పుడూ సంతోషిస్తానని చెప్పిన తమన్నా.. ఈ సినిమాతో వచ్చిన ఫాలోయింగ్ కు ప్రభాస్, రానా అర్హులేనని కితాబిచ్చింది. బాహుబలి లాంటి సినిమాలతో పాటు మాస్ ఎంటర్టైనర్ సినిమాలతో కేవలం హీరోలకే ఎక్కువ బెనెఫిట్ ఉంటుందని.. హీరోయిన్లకు స్కోప్ తక్కువ అని తమన్నా అభిప్రాయపడింది.
తెలుగులో ప్రస్తుతం భోళా శంకర్ సినిమా చేస్తున్న తమన్నా.. రజనీకాంత్ జైలర్ సినిమాలో కూడా కీ రోల్ ప్లే చేస్తోంది. సౌత్ లో పదేళ్ళ పాటు స్టార్ హీరోయిన్ స్టేటస్ లో ఉన్న తమన్నా.. ఇప్పుడు బాలీవుడ్ లో వరుస సినిమాలతో దూసుకెళ్తోంది. ప్రస్తుతం బాలీవుడ్ లో ప్లాన్ ఏ ప్లాన్ బీ తో ప్రేక్షకుల ముందుకు వచ్చింది. విజయ్ వర్మతో రిలేషన్షిప్ ను కన్ఫర్మ్ చేసిన తమన్నా.. త్వరలోనే అతనితో జీవితాన్ని పంచుకోబోతున్నానంటూ ఫ్యాన్స్ కు క్లారిటీ ఇచ్చింది.