తమిళ నటి అనికా విజయి విక్రమన్ సోషల్ మీడియాలో షేర్ చేసిన ఫోటోలు తమిళ సినీ పరిశ్రమను షేక్ చేస్తున్నాయి. తనను తన ఎక్స్ బాయ్ ఫ్రెండ్ మానసికంగానూ, శారీరకంగానూ తీవ్రంగా హింసించాడంటూ అనికా కొన్ని ఫోటోలను తన ఇన్ స్టాగ్రామ్ అకౌంట్లో పోస్ట్ చేసింది. ఈ ఫోటోల్లో శరీరంపై తీవ్రమైన గాయాలు, కంటి కింద గడ్డకట్టిన నెత్తురు.. అసలు అనికానేనా అనే విధంగా పూర్తిగా గుర్తుపట్టలేనంతగా మారిపోయిన రూపం కనిపిస్తోంది. చాలా రోజుల నుంచి తాను ఈ టార్చర్ ను ఎదుర్కుంటున్నాను అంటూ అనికా ఈ ఫోటోలను రివీల్ చేయటంతో పాటు తన ఎక్స్ బాయ్ ఫ్రెండ్ పై పోలీసులకు ఫిర్యాదు కూడా చేసింది. తనకు, తన కుటుంబ సభ్యులకు అతడి వల్ల ప్రాణ హాని ఉందంటూ ఆమె పోలీస్ కంప్లైంట్ లో పేర్కొంది.
తను నన్ను మొదటిసారి చెన్నైలో కొట్టాడ.. ఆ తర్వాత నేను మోకాళ్ళపై కూర్చొని నా పరిస్థితిని తల్చుకొని ఏడ్చాను.. కానీ ఆ తర్వాత కూడా అతడిని నమ్మాను. నేను ఏమీ చేయలేనని అతడికి పూర్తి నమ్మకం.. అందుకే నన్ను తీవ్రంగా హింసించేవాడు. నేను పోలీసులకు చెప్పినా అతడిని పోలీసులు ఏమీ చేయలేదు. ఎందుకంటే అతను పోలీసులకు డబ్బు ఇచ్చి కొనేశాడు.. అంటూ తీవ్రమైన భావోద్వేగంతో కూడిన పోస్టును షేర్ చేసింది. విషమకరన్, ఐకేకే, ఎంగ పట్టన్ సొత్తు వంటి సినిమాల్లో నటించిన అనికా.. ఇప్పుడిప్పుడే నటిగా అవకాశాలు సంపాదిస్తోంది.
