కళ్యాణ్ రామ్ ట్రిపుల్ రోల్ లో రాబోతున్న థ్రిల్లింగ్ మూవీ అమిగోస్ నుంచి కొత్త పాట రిలీజైంది. ఎన్నో రాత్రులొస్తాయి గానీ పాట ప్రోమో ఇటీవల విడుదలైన విషయం తెలిసిందే. ఈ రోజు ఫుల్ సాంగ్ రిలీజైంది. ఇదివరకే ఈ ఫుల్ సాంగ్ రిలీజ్ కావాల్సి ఉండగా.. తారకరత్న గుండెపోటుతో హాస్పిటళ్ళో చేరటంతో సాంగ్ రిలీజ్ వాయిదా పడింది. ఎట్టకేలకు ఈ రోజు మేకర్స్ ఫుల్ సాంగ్ ను రిలీజ్ చేశారు. వచ్చీ రాగానే పాట మంచి వ్యూస్ తో దూసుకెళ్తోంది. 1992లో బాలకృష్ణ హీరోగా వచ్చిన ధర్మక్షేత్రంలోని ఒరిజినల్ సాంగ్ అప్పట్లో ట్రెండ్ సెట్టర్. ఇప్పటికీ ఈ పాటను వదల్లేదు అటు ప్రేక్షకులు.. ఇటు నందమూరి అభిమానులు. అంత క్రేజ్ ఉన్న సాంగ్ ను ఇప్పుడు కళ్యాణ్ రామ్ అమిగోస్ కోసం రీమిక్స్ చేశారు.
ఒరిజినల్ సాంగ్ ను ఇండియన్ వెటరన్ సింగర్ ఎస్పీ బాలసుబ్రమణ్యం పాడగా.. ఇప్పుడు రీమిక్స్ పాటను ఆయన కుమారుడు ఎస్పీబీ చరణ్ ఆలపించాడు. మ్యూజిక్ డైరెక్టర్ జిబ్రాన్ పాటను రీమిక్స్ చేయటంలో అన్ని ఎలిమెంట్స్ ను బాగానే హ్యాండిల్ చేసినట్టు అనిపిస్తోంది. రీమిక్స్ పాట ఒరిజినల్ ను కిల్ చేసిన వికట ప్రయోగాలు ఇదివరకు చూశాం. కానీ ఈసారి ప్రయోగం సక్సెస్. అచ్చంగా తండ్రి లాగానే పాడాడు చరణ్. చరణ్ మామూలుగా పాడితేనే అచ్చం తండ్రి గొంతులా ఉంటుంది.. ఇక ఇమిటేట్ చేసి పాడాడు కాబట్టి.. అసలు బాలు గొంతుకు, చరణ్ గొంతుకు తేడాయే కనిపించటం లేదు.. సారీ.. వినిపించటం లేదని చెప్పాలి. మొత్తానికి అమిగోస్ కొత్త అప్డేట్ అదిరిపోయింది.