విపరీతమైన సోషల్ మీడియా ప్రచారం.. హడావుడితో విడుదలైన నరేష్, పవిత్ర లోకేష్ బయోపిక్ మళ్ళీ పెళ్ళి సినిమా.. అసలు ఎప్పుడు థియేటర్లలోకి వచ్చిందో ఎప్పుడు వెళ్ళిందో కూడా సరిగ్గా తెలియదు జనానికి. వీళ్ళిద్దరూ చేసిన హంగామా ప్రేక్షకుల అటెన్షన్ ను గ్రాబ్ చేయగలిగినా.. సినిమా చూసేందుకు ప్రేక్షకులను థియేటర్లకు రప్పించలేకపోయింది. ఇప్పుడు అమెజాన్ ప్రైమ్, ఆహా ఓటీటీలలో మళ్ళీ పెళ్ళి సినిమా స్ట్రీమింగ్ అవుతోంది. అయితే.. ఇక్కడే నరేష్ భార్య షాకిచ్చింది. మళ్ళీ పెళ్ళి సినిమా ఓటీటీలో స్ట్రీమింగ్ కాకుండా ఆపేయాలంటూ అమేజాన్, ఆహాలకు లీగల్ నోటీసులు పంపించింది. సినిమాలో తన క్యారెక్టర్ ను తప్పుగా చూపించారనీ.. చాలా అబద్ధాలతో సినిమాను తెరకెక్కించి తన పరువుకు నష్టం వాటిల్లేలా చేశారని పేర్కొంటూ రమ్య రఘుపతి నోటీసులు పంపించింది. ఈ నోటీసులకు స్పందించిన అమేజాన్ యాజమాన్యం ప్రస్తుతం మళ్ళీ పెళ్ళి సినిమా స్ట్రీమింగ్ నిలిపివేసినట్టు సమాచారం.
మే 26న విడుదలైన మళ్ళీ పెళ్ళి సినిమా.. నరేష్, పవిత్ర లోకేష్ జీవితాల్లో జరిగిన పరిణామాలపై రాసిన కథతో సుమారు 15 కోట్ల బడ్జెట్ తో తెరకెక్కించారట. కానీ విడుదలైన తర్వాత ఈ సినిమాను ఎవ్వరూ పట్టించుకోలేదు.. మొత్తానికి సినిమాకు వచ్చిన కలెక్షన్లు కేవలం 20 లక్షలు మాత్రమేనని టాక్. సినిమా రిలీజ్ కు ముందు తెగ హడావుడి చేసిన నరేష్.. ఈ సినిమా డిజాస్టర్ అయిన తర్వాత కనీసం కనిపించలేదు ఎక్కడా. నరేష్ భార్య రమ్య రఘుపతి సినిమా విడుదలైన సమయంలో ఏమాత్రం స్పందించలేదు కానీ ఇప్పుడు స్ట్రీమింగ్ ఆపేయాలంటూ నోటీసులు ఇచ్చింది. థియేటర్లో ఎలగో ఎవరూ చూడరు.. ఇక ఇంట్లో ఫ్రీగా స్ట్రీమింగ్ అయితే జనం చూస్తారు.. దీని వల్ల సినిమాలోని తన క్యారెక్టర్ గురించి చర్చ మొదలవుతుందని భావించిన రమ్య రఘుపతి.. కావాలనే స్ట్రీమింగ్ కాకుండా లీగల్ నోటీసులు పంపించింది. అయితే.. ఆహాలో మాత్రం స్ట్రీమింగ్ నిలిపివేయకపోవటం గమనార్హం.
