చాలా రోజుల గ్యాప్ తర్వాత ఏజెంట్ అంటూ స్పై థ్రిల్లింగ్ స్టోరీతో వచ్చిన యంగ్ హీరో అఖిల్.. మరోసారి బిగ్గెస్ట్ డిజాస్టర్ ను తన ఖాతాలో వేసుకున్నాడు. అప్పుడెప్పుడో వచ్చిన హలో అనే ఓ సినిమా.. రీసెంట్ గా మిస్టర్ మజ్నూ, మోస్ట్ ఎలిజిబుల్ బ్యాచ్ లర్ అనే సినిమాలు మాత్రమే యావరేజ్ పేరు తెచ్చుకున్నాయి. మిగతా సినిమాలన్నీ అట్టర్ ఫ్లాప్ సినిమాలే పాపం అఖిల్ కు. ఇక లేటెస్ట్ గా ఏజెంట్ సినిమా మాత్రం అఖిల్ కు మాత్రమే కాదు.. టాలీవుడ్ కే ఓ మచ్చలాంటి సినిమాగా మిగిలిపోయింది. హిట్ సినిమాలే లేని హీరోలతో చేసి బ్లాక్ బస్టర్ సినిమా ఇచ్చే డైరెక్టర్ సురేందర్ రెడ్డి.. అఖిల్ విషయంలో మాత్రం ఇంత ఘోరంగా ఎలా బోల్తా పడ్డాడా అనేది ఎవరికీ అర్థం కాని విషయం. ఏకే ఎంటర్టైన్మెంట్స్, సురేందర్ ప్రొడక్షన్స్ కలిసి నిర్మించిన ఈ సినిమా బడ్జెట్ వంద కోట్లు అని ప్రమోషన్స్ లో నొక్కి నొక్కి చెప్పారు మేకర్స్. ఇప్పుడు కనీసం 25 కోట్లు కూడా వసూలు చేయలేక ప్రొడ్యూసర్, బయ్యర్, డిస్ట్రిబ్యూటర్.. ఇలా అందరినీ ముంచేసింది.
కలెక్షన్ల సంగతి పక్కన పెడితే అఖిల్ ఏజెంట్ సినిమా ఓ చెత్త రికార్డును తన ఖాతాలో వేసుకుంది. విడుదలైన మూడో వారంలోపే ఓటీటీలో స్ట్రీమింగ్ కు రెడీ అయ్యింది. ఇంతకు ముందు ఆచార్య, శకుంతల సినిమాలు కూడా ఇలాగే మూడు వారాల లోపే ఓటీటీలో రిలీజ్ కాగా.. ఇప్పుడు ఆ వరుసలో ఏజెంట్ సినిమా చేరిపోయింది. మే 19న ఈ సినిమా సోనీ లివ్ లో స్ట్రీమింగ్ కు ముహూర్తం ఫిక్స్ అయ్యింది. థియేటర్లో మరీ దారుణమైన టాక్ మూటగట్టుకున్న ఏజెంట్.. ఓటీటీ లో ఏం చేస్తుందో చూడాలి. సోనీ లివ్ కూడా ఏజెంట్ స్ట్రీమింగ్ రైట్స్ ను భారీ మొత్తానికే కొనుక్కుంది. ఇప్పుడు చూస్తే.. ఇదీ సినిమా పరిస్థితి.
