బాలీవుడ్ నటి రాఖీ సావంత్ ను అంబోలి పోలీసులు అరెస్ట్ చేశారు. మరో నటి షెర్లీన్ చోప్రా ఇచ్చిన కంప్లైంట్ మేరకు అంబోలీ పోలీసులు అభ్యంతరకర వ్యాఖ్యలు చేసినందుకు.. అభ్యంతరకరమైన వీడియో చేసినందుకు పలు ఐపీసీ సెక్షన్ల కింద ముంబై పోలీసులు అరెస్టు చేసినట్టు షెర్లీన్ చోప్రా ట్వీట్ చేసింది. బెయిల్ కోసం రాఖీ సావంత్ దాఖలు చేసిన పిటిషన్ ను కూడా ముంబై సెషన్స్ కోర్టు రిజెక్ట్ చేసినట్టు తెలిపింది.
ఓ ప్రెస్ కాన్ఫరెన్స్ సందర్భంగా రాఖీ సావంత్ మీడియాతో మాట్లాడుతూ ఒక మోడల్ గురించి అభ్యంతరకమైన వ్యాఖ్యలు చేసిందనీ.. వీడియోలు, ఫోటోలు సోషల్ మీడియాలో లీక్ చేసిందనీ.. ఇవి ఆ అమ్మాయి పరువుకు నష్టం కలిగించాయని పేర్కొంటూ షెర్లీన్ చోప్రా రాఖీ సావంత్ పై పోలీస్ కంప్లైంట్ ఇచ్చింది. ఈ కంప్లైంట్ మేరకు పోలీసులు ఆమెను అరెస్ట్ చేశారు. ఆ మోడల్ కు సంబంధించిన వీడియో, ఫోటోలను లీక్ చేయకుండా ఉండాలంటే తనకు డబ్బు కావాలని ఆ మోడల్ ను రాఖీ సావంత్ బెదిరించినట్టు కూడా ఫిర్యాదులో ఉంది. అయితే.. ఇందుకు సంబంధించిన పూర్తి సమాచారం తెలియాల్సి ఉంది.
